കൊടുവള്ളി: കര്‍മകുശലത കൊണ്ട് മാതൃക തീര്‍ത്ത പണ്ഡിതനും കടമകള്‍ മറക്കാത്ത ദീനി സേവകനുമായിരുന്നു കോട്ടുമല ബാപ്പു മുസ്‌ലിയാരെന്ന് എസ്്്.വൈ.എസ്് സംസ്ഥാന സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ് പറഞ്ഞു.
കേരളത്തിലെ പത്ര-മാധ്യമ രംഗത്ത് ചരിത്രം രചിക്കാന്‍ ബാപ്പു മുസ്‌ലിയാര്‍ക്ക്് സാധിച്ചെന്നും അദ്ദേഹം പറഞ്ഞു. സമസ്ത കൊടുവള്ളി മണ്ഡലം കമ്മിറ്റി സംഘടിപ്പിച്ച ബാപ്പു മുസ്‌ലിയാര്‍ അനുസ്മരണ സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ഇ. അഹമ്മദ് കുട്ടി ഫൈസി ഉദ്ഘാടനം ചെയ്തു. എന്‍. അബ്ദുല്ല മുസ്‌ലിയാര്‍ അധ്യക്ഷനായി. എ.പി.എം ബാവ ജീറാനി ആമുഖ പ്രഭാഷണം നടത്തി. ഇ.ടി.എം ബാഖവി, സി.എം.കെ തങ്ങള്‍ പാലക്കുറ്റി, അസ്‌ലം ബാഖവി, ആലി ഹാജി, പി.സി മുഹമ്മദ് ഇബ്രാഹിം, സി. മുഹമ്മദ് ഇബ്രാഹിം, മൊയ്തീന്‍ കുട്ടി ബാഖവി, അഷ്‌റഫ് ബാഖവി കരീറ്റിപ്പറമ്പ്, ഹസ്സന്‍ ദാരിമി സംസാരിച്ചു. അബ്ദുല്‍ ബാരി ബാഖവി സ്വാഗതം പറഞ്ഞു.