നിലമ്പൂര്‍: അധ്യാപികയെ കാണാനാനെത്തിയ യുവാവ് പട്ടാപകല്‍ സമയം അധ്യാപികയുടെ ബാഗില്‍ നിന്നും പണമടങ്ങിയ പേഴ്‌സും എ.ടി.എം കാര്‍ഡുകളും മോഷണം നടത്തി മുങ്ങി. ഇന്നലെ രാവിലെ ചുങ്കത്തറ മാര്‍ത്തോമ കോളജിലാണ് സംഭവം. കുറച്ച് സമയം കോളജില്‍ അധ്യാപികയെ കാത്തുനിന്ന പ്രതി പുറത്തു പോയി വരാമെന്ന് പറഞ്ഞ് മുങ്ങുകയായിരുന്നു. തുടര്‍ന്ന് ബാഗ് പരിശോധിച്ചപ്പോഴാണ് മോഷണം ശ്രദ്ധയില്‍പെട്ടത്. പ്രതിയുടെ ചിത്രം കോളജിലെ സി.സി.ടി.വിയില്‍ പതിഞ്ഞിട്ടുണ്ട്. അധ്യാപികയും സെക്യൂരിറ്റി ജീവനക്കാരനും പ്രതിയെ തിരിച്ചറിഞ്ഞു. പ്രതി എച്ച്.ഡി.എഫ്.സി എ.ടി.എമ്മില്‍ നിന്ന് അധ്യാപികയുടെ പണം പിന്‍വലിച്ചിതായി കണ്ടെത്തി. സംഭവത്തില്‍ എടക്കര പൊലിസ് അന്വേഷണമാരംഭിച്ചു.
പടം-ഇമെയില്‍
പ്രതിയുടെ ചിത്രം കോളജിലെ സി.സി.ടി.വിയില്‍ പതിഞ്ഞപ്പോള്‍