തളിപ്പറമ്പ്: കെ.സി.ബി.സി മദ്യവിരുദ്ധ സമിതിയുടെ ബിഷപ്പ് വള്ളോപ്പിള്ളി സ്മാരക ട്രോഫിക്ക് വേണ്ടിയുള്ള 16ാമത് തെരുവ് നാടക മത്സരം തളിപ്പറമ്പില്‍ നഗരസഭാ ചെയര്‍മാന്‍ അള്ളാംകുളം മഹമ്മൂദ് ഉദ്ഘാടനം ചെയ്തു. തളിപ്പറമ്പ് ഫൊറോന വികാരി ഫാ.ജോസഫ് മഞ്ചപ്പിള്ളില്‍ അധ്യക്ഷനായി. മദ്യനിരോധന സമിതി സംസ്ഥാന പ്രസിഡന്റ് ഫാ.തോമസ് തൈത്തോട്ടം, ലൂക്കോസ് പള്ളിത്തറ, ജയിംസ് എന്‍ പോള്‍, ജോയി മണ്ഡപത്തികുന്നേല്‍ സംസാരിച്ചു
തളിപ്പറമ്പ് ടൗണ്‍സ്‌ക്വയറില്‍ നടന്ന നാടക മത്സരത്തില്‍ ഒന്‍പത് ടീമുകള്‍ പങ്കെടുത്തു. ഉളിക്കല്‍ വയത്തൂര്‍ യു.പി സ്‌കൂള്‍ ടീം ഒന്നാം സ്ഥാനം. നിര്‍മലഗിരി കോളജ് കൂത്തുപറമ്പ് രണ്ടാം സ്ഥാനവും കാഞ്ഞിരടുക്കം ടീം മൂന്നാം സ്ഥാനവും നേടി.