ന്യൂഡല്‍ഹി: തെരഞ്ഞെടുപ്പ് സംബന്ധിച്ചുള്ള വിവരങ്ങള്‍ പൊതുജനങ്ങള്‍ക്ക് കൂടുതലായി മനസിലാക്കുന്നതിനായി ഫെയ്‌സ് ബുക്കിനേയും യൂട്യൂബിനേയും ആശ്രയിക്കാന്‍ ഇലക്ഷന്‍ കമ്മിഷന്‍ തീരുമാനം.
ജനപ്രിയമായ രണ്ട് സാമൂഹികമാധ്യമങ്ങളില്‍ ആദ്യം സാന്നിധ്യമറിയിക്കാനും പിന്നീട് ട്വിറ്ററിലേക്കുകൂടി വിവരങ്ങള്‍ പങ്കുവയ്ക്കാനുമാണ് കമ്മിഷന്‍ തീരുമാനം. ഇതിന്റെ ഭാഗമായി സോഷ്യല്‍ മീഡിയ കമ്മ്യൂണിക്കേഷന്‍ ഹബ്ബ് മുഖ്യതെരഞ്ഞെടുപ്പ് കമ്മിഷണര്‍ ഒ.പി റാവത്തും കമ്മിഷണര്‍മാരായ സുനില്‍ അറോറയും അശോക് ലവാസയും ചേര്‍ന്ന് ഇന്നലെ പുറത്തിറക്കി.
തെരഞ്ഞെടുപ്പു പ്രക്രിയയില്‍ അംഗപരിമിതരെകൂടി ഉള്‍പ്പെടുത്തുന്നതു സംബന്ധിച്ച രാജ്യാന്തര സമ്മേളനത്തോടനുബന്ധിച്ചാണ് സോഷ്യല്‍ മീഡിയ ഹബ്ബ് പുറത്തിറക്കിയത്.
കഴിഞ്ഞ വര്‍ഷം മുതല്‍ ഇന്ത്യ വോട്ടസ് എന്ന പേരില്‍ പ്രവാസികള്‍ക്കായി ഫെയ്‌സ്ബുക്ക് പേജ് തുടങ്ങിയിരുന്നു.