തൊടുപുഴ:  മുട്ടം, കരിമണ്ണൂര്‍ എന്നിവിടങ്ങളില്‍ പുരയിടങ്ങളില്‍ തീപടര്‍ന്നു. ഇരുസ്ഥലത്തും തൊടുപുഴയില്‍നിന്നും ഫയര്‍ ഫോഴ്‌സ് സംഘമെത്തിയാണ് തീ അണച്ചത്.  മുട്ടത്ത് കൊല്ലംകുന്ന് മലയുടെ വശത്തുള്ള നെല്ലുംകുഴിയില്‍ ജോമോന്‍ ജോസഫിന്റെ നാലേക്കറോളം  റബ്ബര്‍ തോട്ടത്തിലാണ് രാവിലെ  11 ഓടെ തീ പടര്‍ന്നത്്.
കരിമണ്ണൂരില്‍ പൊലിസ് സ്‌റ്റേഷനുസമീപം വടക്കയില്‍ ജോസഫിന്റെ പുരയിടത്തില്‍ പകല്‍ പതിനൊന്നേമുക്കാലോടെയാണ് തീ പടര്‍ന്നത്. വില്‍പനയ്ക്കായി തിരിച്ചിട്ടിരുന്ന സ്ഥലത്താണ് തീപിടിച്ചത്. വേനല്‍ കനത്തതോടെ തൊടുപുഴ മേഖലയില്‍ തീപിടുത്തം പതിവാകുകയാണ്.