തൊടുപുഴ:   കാഡ്‌സ് ആഭിമുഖ്യത്തില്‍ നടത്തുന്ന കാഡ്‌സ് ഗ്രീന്‍ഫെസ്റ്റ് വിത്ത്  മഹോത്സവം ഏപ്രില്‍ 20 മുതല്‍ മെയ് 20വരെ തൊടുപുഴയില്‍ നടത്തും. ഇതിന്  മുന്നോടിയായി കേരളത്തിലെ വിത്ത് ഉല്‍പ്പാദകരായ കര്‍ഷകരുടെയും കര്‍ഷക  സംഘടനകളുടെയും യോഗം 13ന് വൈകിട്ട് 4.30ന് കാഡ്‌സ്  ഓഡിറ്റോറിയത്തില്‍ ചേരും.
  പച്ചക്കറി-ഫലവൃക്ഷ തൈകള്‍, കിഴങ്ങുവര്‍ഗങ്ങള്‍,  ഔഷധ സസ്യങ്ങള്‍, നാണ്യവിളകള്‍, പൂച്ചെടികള്‍ തുടങ്ങിയ നടീല്‍ വസ്തുക്കള്‍  ഉല്‍പ്പാദിപ്പിക്കുന്നവര്‍ക്ക് യോഗത്തില്‍ പങ്കെടുക്കാം. നടീല്‍ വസ്തുക്കളുടെ  ഗുണനിലവാരം, ആവശ്യമായ വിത്തുകളുടെ അളവ്, നാടന്‍ വിത്തുകളുടെ  ലഭ്യത, വിലനിലവാരം എന്നിവയെക്കുറിച്ച് യോഗത്തില്‍ ചര്‍ച്ചചെയ്യും.