മലപ്പുറം: സംസ്ഥാനത്തെ വിദ്യാഭ്യാസ മന്ത്രിയുടെ ഓഫിസ് വേറെ ചിലര്‍ ഹൈജാക്ക് ചെയ്തിട്ടുണ്ടെന്നും അവരുടെ കൈയിലെ യന്ത്രപ്പാവ മാത്രമായി മന്ത്രി മാറിയിട്ടുണ്ടെന്നും വി.ഡി സതീശന്‍ എം.എല്‍.എ പറഞ്ഞു. നാലു ദിവസങ്ങളിലായി മലപ്പുറത്തു നടന്ന കെ.പി.എസ്.ടി.എ സംസ്ഥാന സമ്മേളനത്തിന്റെ സമാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ജോര്‍ജ് കൊളത്തൂര്‍ അധ്യക്ഷനായി. സംസ്ഥാന സെക്രട്ടറി ജെ. മുഹമ്മദ് റാഫി, വി.വി പ്രകാശ്, പി.എ മജീദ്, പി.സി വേലായുധന്‍കുട്ടി, സി. സുകുമാരന്‍, വി.പി ദിനേഷ്, എം.കെ മുഹ്‌സിന്‍, കെ. അബ്ദുല്‍ മജീദ് സംസാരിച്ചു.
രാവിലെ നടന്ന യാത്രയയപ്പ് സമ്മേളനം മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്തു. സര്‍വിസില്‍നിന്നു വിരമിക്കുന്ന സംഘടനാ നേതാക്കളായ അധ്യാപകരെ ചടങ്ങില്‍ ആദരിച്ചു. സംസ്ഥാന പ്രസിഡന്റ് ഹരിഗോവിന്ദന്‍ അധ്യക്ഷനായി. ഷാഫി പറമ്പില്‍ എം.എല്‍.എ മുഖ്യപ്രഭാഷണം നടത്തി. ജനറല്‍ സെക്രട്ടറി എം. സ്വലാഹുദ്ദീന്‍, പി. രാധാകൃഷണന്‍, ടി. വിനയദാസ്, നിസാം ചിതറ സംസാരിച്ചു.