വെള്ളാങ്ങല്ലൂര്‍: കരൂപ്പടന്ന ഗവ.എല്‍.പി.സ്‌കൂളിന് പ്രവാസി സംഘടനയുടെ സഹായ ഹസ്തം. സഊദി അറേബ്യയിലെ കരൂപ്പടന്ന നിവാസികളുടെ സംഘടനയായ ജിദ്ദ വെള്ളാങ്ങല്ലൂര്‍ മഹല്ല് കൂട്ടായ്മയാണ് കരൂപ്പടന്ന ഗവ. എല്‍.പി.സ്‌കൂളിലെ സ്‌കൂള്‍ ബസിന്റെ നടത്തിപ്പിനായി സാമ്പത്തിക സഹായം നല്‍കിയത്.
പ്രതിവര്‍ഷം നിശ്ചിത സംഖ്യ നല്‍കുന്നതിന്റെ ഭാഗമായി ആദ്യ വര്‍ഷത്തെ സംഖ്യ ജിദ്ദ കൂട്ടായ്മയുടെ പ്രതിനിധി സത്താര്‍ ഉസ്മാന്‍ പ്രധാനാധ്യാപിക പി.കെ. സീനത്തിനെ ഏല്‍പ്പിച്ചു. പി.ടി.എ. പ്രസിഡന്റ്് അഹമ്മദ് ഫസലുള്ള, ടി.കെ റഫീഖ്, നജീബ് അന്നിക്കര, വി.എം റഊഫ്, ജിദ്ദ കൂട്ടായ്മ പ്രവര്‍ത്തകരായ റഷീദ് ചുണ്ടേക്കാട്ട്, അധ്യാപിക ശോഭന എന്നിവര്‍ സംസാരിച്ചു.