മുംബൈ: മധ്യപ്രദേശില്‍ ബസ് പുഴയിലേക്ക് മറിഞ്ഞ് 13 യാത്രക്കാര്‍ മരിച്ചു. 16 യാത്രക്കാരുമായി ഗണപതിപൂളില്‍ നിന്ന് പൂനെയിലേക്ക് പോകുകയായിരുന്ന മിനി ബസാണ് കോലാപൂരിനടുത്ത പഞ്ച്ഗംഗാ നദിയിലേക്ക് മറിഞ്ഞത്. വെള്ളിയാഴ്ച രാത്രിയായിരുന്നു അപകടം.
മരിച്ചവരില്‍ ഒന്‍പത് മാസം പ്രായമുള്ള കുഞ്ഞ് ഉള്‍പ്പെടെ ഏഴ് കുട്ടികളും മൂന്ന് സ്ത്രീകളും ഉണ്ടെന്ന് പൊലിസ് അറിയിച്ചു. 11 പേര്‍ സംഭവ സ്ഥലത്തുതന്നെ മരിച്ചു.
പരുക്കേറ്റ നിലയില്‍ മൂന്നുപേരെ ആശുപത്രിയില്‍ എത്തിച്ചിരുന്നെങ്കിലും പിന്നീട് ഇവരില്‍ ഒരാള്‍ മരിച്ചു.
രക്ഷാ പ്രവര്‍ത്തനത്തിനിടയില്‍ ഇന്നലെ രാവിലെ കുഞ്ഞിന്റെ മൃതദേഹം കൂടി കണ്ടെടുത്തതായും പൊലിസ് അറിയിച്ചു.