ബംഗളൂരു: തനിക്ക് ലഭിച്ച പത്മശ്രീ ആവശ്യമില്ലെന്നും ഇത് സ്വീകരിക്കില്ലെന്നും അറിയിച്ചുകൊണ്ട് സ്വാമി സിദ്ധേശ്വര്‍ പ്രധാനമന്ത്രിക്ക് കത്തയച്ചു. തന്നെ അവാര്‍ഡിനായി പരിഗണിച്ചതില്‍ നന്ദി അറിയിച്ച വിജയപുരം ജ്ഞാന യോഗാശ്രമം സന്യാസിയായ സിദ്ധേശ്വര്‍, എന്നാല്‍ പുരസ്‌കാരം സ്വീകരിക്കാന്‍ കഴിയില്ലെന്ന് അറിയിക്കുകയായിരുന്നു. സന്യാസി എന്ന നിലയില്‍ പുരസ്‌കാരങ്ങളില്‍ താല്‍പര്യമില്ല. തന്റെ ഈ തീരുമാനത്തെ താങ്കള്‍ സ്വാഗതം ചെയ്യുമെന്ന് പ്രതീക്ഷിക്കുന്നുവെന്നും അദ്ദേഹം അയച്ച കത്തില്‍ പറയുന്നു.