പാരിസ്: ഇറ്റാലിയന്‍ കൗമാര താരം പിയെട്രോ പെല്ലെഗ്രി ഫ്രഞ്ച് ലീഗ് വണിലെ നിലവിലെ ചാംപ്യന്‍മാരായ മൊണാക്കോയില്‍. ഇറ്റാലിയന്‍ സീരി എ ടീം ജെനോവയില്‍ നിന്നാണ് 16കാരനായ താരം 20മില്ല്യണ്‍ യൂറോയ്ക്ക് മൊണാക്കോയിലെത്തിയത്.
ഇറ്റാലിയന്‍ ഫുട്‌ബോളിലെ പുതിയ സെന്‍സേഷനായി അറിയപ്പെടുന്ന പെല്ലെഗ്രി സീരി എയില്‍ ഗോള്‍ നേടുന്ന 2001ന് ശേഷം ജനിച്ച ആദ്യ താരമെന്ന റെക്കോര്‍ഡിട്ടിരുന്നു. യൂറോപ്പിലെ വമ്പന്‍മാരായ യുവന്റസ്, ആഴ്‌സണല്‍, മാഞ്ചസ്റ്റര്‍ യുനൈറ്റഡ് ടീമുകളും താരത്തെ സ്വന്തമാക്കാന്‍ ശ്രമിച്ചിരുന്നു.