ഹൈസ്‌കൂള്‍, ഹയര്‍സെക്കന്‍ഡറി ഭരണം ഏകീകരിക്കും

backup

January 30 2018 | 19:01 PM

%e0%b4%b9%e0%b5%88%e0%b4%b8%e0%b5%8d%e2%80%8c%e0%b4%95%e0%b5%82%e0%b4%b3%e0%b5%8d%e2%80%8d-%e0%b4%b9%e0%b4%af%e0%b4%b0%e0%b5%8d%e2%80%8d%e0%b4%b8%e0%b5%86%e0%b4%95%e0%b5%8d%e0%b4%95%e0%b4%a8%e0%b5%8d

തിരുവനന്തപുരം: ഹൈസ്‌കൂള്‍, ഹയര്‍സെക്കന്‍ഡറി ഭരണം ഏകീകരിക്കുമെന്ന് മുഖ്യമന്ത്രി പിണറായി വിജയന്‍ നിയമസഭയെ അറിയിച്ചു. നിലവില്‍ രണ്ട് ഭരണസംവിധാനം നിലനില്‍ക്കുന്നത് പലപ്രശ്‌നങ്ങള്‍ക്കും കാരണമാകുന്നതായി ശ്രദ്ധയില്‍പ്പെട്ട സാഹചര്യത്തിലാണ് ഭരണം ഏകീകരിക്കുന്നതെന്നും അദ്ദേഹം പറഞ്ഞു. സ്‌കൂളുകളിലെ മാസ്റ്റര്‍പ്ലാന്‍ തായാറാക്കുന്നത് അന്തിമഘട്ടത്തിലാണെന്ന് വിദ്യാഭ്യാസമന്ത്രി സി. രവീന്ദ്രനാഥും സഭയെ അറിയിച്ചു.
നിയമസഭ ചേരുന്ന സാഹചര്യത്തില്‍ എം.എല്‍.എമാരുടെ സൗകര്യം കണക്കിലെടുത്ത് സ്‌കൂളുകളിലെ അക്കാദമിക് മാസ്റ്റര്‍പ്ലാന്‍ യോഗം ഈ മാസം 12ലേക്ക് മാറ്റും. 21ന് ആയിരുന്നു നേരത്തേ യോഗം നിശ്ചയിച്ചിരുന്നത്.
മാസ്റ്റര്‍പ്ലാന്‍ സംബന്ധിച്ച് അധ്യാപകര്‍ക്ക് ഏപ്രിലില്‍ എട്ടുദിവസത്തെ പരിശീലനം സംഘടിപ്പിക്കും. എല്‍.പി, യു.പി, ഹൈസ്‌കൂള്‍, ഹയര്‍സെക്കന്‍ഡറി വിഭാഗങ്ങള്‍ക്ക് പ്രത്യേക മാസ്റ്റര്‍പ്ലാനാണ് തയാറാക്കുക.
മാസ്റ്റര്‍പ്ലാനിന്റെ നടത്തിപ്പിന് മോണിറ്ററിങ് സമിതിയുണ്ടാക്കും. സ്വാശ്രയ എന്‍ജിനിയറിങ് കോളജുകളിലെ പ്രശ്‌നപരിഹാരത്തിന് ജസ്റ്റിസ് ദിനേശന്‍ കമ്മിഷന്‍ റിപ്പോര്‍ട്ടിന്റെ അടിസ്ഥാനത്തില്‍ നടപടിയെടുക്കുമെന്നും വിദ്യാഭ്യാസ മന്ത്രി പറഞ്ഞു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."