ന്യൂഡല്‍ഹി: ഡല്‍ഹിയില്‍ മലയാളി നഴ്‌സിന് മോഷ്ടാവിന്റെ ആക്രമണത്തില്‍ പരുക്ക്. ഡല്‍ഹിയിലെ എ.വി നഗറിലെ ക്വാര്‍ട്ടേഴ്‌സില്‍ വച്ചാണ് ഡല്‍ഹി എയിംസിലെ നഴ്‌സ് ഗ്രേസി ജെയിംസിനെ മോഷ്ടാവ് ആക്രമിച്ചത്.
വീട്ടില്‍ ഒളിച്ചിരിക്കുകയായിരുന്ന മോഷ്ടാവിന്റെ ആക്രമണത്തില്‍ തലയ്ക്ക് പരുക്കേറ്റ ഗ്രേസി എയിംസിലെ ട്രോമാകെയറിലാണ്. അപകടനില തരണം ചെയ്തതായി ബന്ധുക്കള്‍ അറിയിച്ചു.
ഇന്നലെ ജോലി കഴിഞ്ഞ് ക്വാര്‍ട്ടേഴ്‌സില്‍ എത്തിയപ്പോള്‍ വാതില്‍ തുറന്നു കിടക്കുകയായിരുന്നു. അകത്തു കടന്ന ഗ്രേസിയെ വീട്ടില്‍ പതിയിരുന്ന മോഷ്ടാവ് ആക്രമിച്ചതിന് ശേഷം ഓടി രക്ഷപ്പെടുകയായിരുന്നു. ബഹളം കേട്ടെത്തിയ മറ്റുതാമസക്കാരാണ് ഇവരെ ആശുപത്രിയില്‍ എത്തിച്ചത്.