പെരുമണ്ണ: പെരുമണ്ണ റെയ്ഞ്ച് ദശവാര്‍ഷികാഘോഷം നാളെ സമാപിക്കും. പരിപാടിയുടെ ഭാഗമായി സമസ്ത കുടുംബ സംഗമം, മുഅല്ലിം മീറ്റ്, സപ്ലിമെന്റ് പ്രകാശനം, മുഅല്ലിം കിറ്റ് വിതരണം, പൊതുസമ്മേളനം എന്നിവ നടക്കും.
ഇന്ന് ഉച്ചയ്ക്കു രണ്ടിന് പെരുമണ്ണയില്‍ നടക്കുന്ന സമസ്ത കുടുംബ സംഗമം സമസ്ത ട്രഷറര്‍ ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. റഹ്മത്തുല്ലാ ഖാസിമി മൂത്തേടം, ഡോ. അഹ്മദ് ശാഫി ക്ലാസെടുക്കും. നാളെ രാവിലെ പത്തിന് ആരംഭിക്കുന്ന മുഅല്ലിം മീറ്റ് സമസ്ത ജില്ലാ സെക്രട്ടറി സലാം ഫൈസി മുക്കം ഉദ്ഘാടനം ചെയ്യും. ഡോ. സാലിം ഫൈസി കൊളത്തൂര്‍, താജുശ്ശമീര്‍ അശ്അരി ക്ലാസെടുക്കും.
വൈകിട്ട് ഏഴിനു നടക്കുന്ന സമാപന സമ്മേളനം സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. പി.പി അബ്ദുറഹ്മാന്‍ മുസ്‌ലിയാര്‍ അധ്യക്ഷനാവും. കോളശ്ശേരി എ.എം മുല്ലക്കോയ തങ്ങള്‍ പ്രാര്‍ഥന നിര്‍വഹിക്കും. അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണവും അലവി ദാരിമി കുഴിമണ്ണ ആദര്‍ശ പ്രഭാഷണവും നടത്തും.
മുഫത്തിശ് അഹ്മദ് കുട്ടി മുസ്‌ലിയാര്‍, ആര്‍.പി ജലാലുദ്ദീന്‍ ഫൈസി, ഹസൈനാര്‍ ഫൈസി, റഷീദ് ഫൈസി, ഒ.പി അഷ്‌റഫ്, നജീബ് ഫൈസി, മുഹമ്മദ് ഫൈസി, അബൂബക്കര്‍ വഹബി, ബാവ ഹാജി, ടി.എം ഹുസൈന്‍ ബാഖവി പങ്കെടുക്കും.