മാന്‍ഫില്‍ഡ് (ന്യൂസിലന്‍ഡ്): ഇന്ത്യയുടെ യുവ റേസിങ് താരം ജെഹാന്‍ ഡാരുവലയ്ക്ക് ചരിത്ര നേട്ടം. ന്യൂസിലന്‍ഡ് ഗ്രാന്‍ പ്രിയില്‍ കിരീടം നേടിയാണു ജെഹാന്‍ പുതുചരിതമെഴുതിയത്. നേട്ടം സ്വന്തമാക്കുന്ന ആദ്യ ഇന്ത്യന്‍ താരമായി ജെഹാന്‍ മാറി. നേരത്തെ ടൊയോട്ട റേസിങ് സീരിസില്‍ പോള്‍ പൊസിഷനിലെത്താന്‍ ജെഹാനു സാധിച്ചിരുന്നു. ന്യൂസിലന്‍ഡ് ഗ്രാന്‍ പ്രിയിലും പോള്‍ പൊസിഷനില്‍ മത്സരിച്ചാണു താരം കിരീടം സ്വന്തമാക്കിയത്.