തുറവൂര്‍: ജൈവകൃഷി പ്രോത്സാഹിപ്പിക്കാന്‍ എഴുപുന്നയില്‍ സമൃദ്ധി അഗ്രോ സര്‍വീസ് സംഘം പ്രവര്‍ത്തനം തുടങ്ങി. ഇതിന്റെ ഉദ്ഘാടനം എഴുപുന്ന ഗ്രാമ പഞ്ചായത്ത് പ്രസിഡന്റ് എസ്.ടി ശ്യാമളകുമാരി നിര്‍വഹിച്ചു. സംഘം പ്രസിഡന്റ് എം.വി ഷണ്‍മുഖന്‍ അധ്യക്ഷതവഹിച്ചു. പഞ്ചായത്ത് വൈസ് പ്രസിഡന്റ് എം.കെ ജോണപ്പന്‍, എഴുപുന്ന സര്‍വീസ് സഹകരണ ബാങ്ക് പ്രസിഡന്റ് പി.പി അനില്‍കുമാര്‍, പഞ്ചായത്ത് അംഗങ്ങളായ ബിന്ദു ഷാജി, എന്‍.കെ രാജീവന്‍, ജൂലിയറ്റ് ,ഗീത ദിനേശന്‍, എഴുപുന്ന പഞ്ചായത്ത് പട്ടികജാതിപട്ടികവര്‍ഗ സംഘം പ്രസിഡന്റ് ദിവാകരന്‍ കല്ലുങ്കല്‍ എന്നിവര്‍ പ്രസംഗിച്ചു.