തൊട്ടില്‍പ്പാലം: എസ്.കെ.എസ്.എസ്.എഫ് കുറ്റ്യാടി മേഖല കമ്മിറ്റി റമദാനില്‍ കുറ്റ്യാടിയിലെ ആശുപത്രികള്‍ കേന്ദ്രീകരിച്ച് നടത്തുന്ന നോമ്പുതുറ-അത്താഴ-പെരുന്നാള്‍ ഭക്ഷണ വിതരണ പരിപാടിയുടെ മുന്നൊരുക്കമായി വിഖായ സംഗമവും റാലിയും നടത്തി. തളീക്കര ദാറുസ്സലാം മദ്‌റസയില്‍ നടന്ന വിഖായ സംഗമം ജംഇയ്യത്തുല്‍ മുഅല്ലിമീന്‍ ജില്ലാ ട്രഷറര്‍ ടി.വി.സി അബ്ദുസ്സമദ് ഫൈസി ഉദ്ഘാടനം ചെയ്തു. എസ്.കെ.എസ്.എസ്.എഫ് സ്റ്റേറ്റ് വര്‍ക്കിങ് സെക്രട്ടറി റഷീദ് ഫൈസി വെള്ളായിക്കോട് മുഖ്യപ്രഭാഷണം നടത്തി. മേഖലാ പ്രസിഡന്റ് ഷൈജല്‍ അഹമ്മദ് അധ്യക്ഷനായി.

ഹാജി.കെ പൊറോറ, ഹമീദ് പി.കെ, ടി.പി അന്ത്രുഹാജി, ഇ.എ റഹ്മാന്‍, ഇ.പി കുഞ്ഞമ്മദ്, ഇ.പി ഹമീദ്, ഫൈസല്‍ കൊടുമ, ടി.പി റഫീഖ് കൊടക്കല്‍, കെ.കെ അഷ്‌റഫ് മാസ്റ്റര്‍, ഒ.കെ റിയാസ് മാസ്റ്റര്‍, ഡോ. സമീര്‍ അഹമ്മദ്, സുലൈമാന്‍ കെ.പി, ലത്തീഫ് ടി.പി സംസാരിച്ചു. കെ.പി ഷൗക്കത്ത് മാസ്റ്റര്‍ സ്വാഗതവും വി.കെ റിയാസ് മാസ്റ്റര്‍ നന്ദിയും പറഞ്ഞു.
തുടര്‍ന്ന് റമദാന്റെ വരവറിയിച്ച് നോമ്പുതുറയില്‍ പങ്കെടുക്കുന്ന മേഖലയിലെ മുപ്പതോളം ശാഖകളില്‍ നിന്നുള്ള വിഖായ വളണ്ടണ്ടിയര്‍മാരുടെ റാലി ശ്രദ്ധേയമായി. റാലി തളീക്കരയില്‍ നിന്നാരംഭിച്ച് കുറ്റ്യാടിയില്‍ സമാപിച്ചു.