കൊടുങ്ങല്ലൂര്‍: അഴീക്കോട് മുനക്കലില്‍ ചീനവലയുടെ സാമഗ്രികള്‍ കത്തിനശിച്ചു. അഴീക്കോട് മീത്തിപ്പറമ്പില്‍ അശോകന്റെ ചീനവല നിര്‍മ്മാണ സാമഗ്രികളാണ് കത്തി നശിച്ചത്. ചൊവ്വാഴ്ച്ച ഉച്ചയോടെ ആയിരുന്നു സംഭവം. ഒരു തൊഴിലാളിയുടെ മരണത്തെ തുടര്‍ന്ന് മുനക്കലിലെ ചീനവല തൊഴിലാളികള്‍ അവധിയിലായിരുന്നു. ഈ സമയത്താണ് തീപിടുത്തമുണ്ടായത്. ചീനവലയുടെ അറ്റകുറ്റപ്പണിക്കായി കൊണ്ടുവന്ന് സൂക്ഷിച്ചിരുന്ന മര ഉരുപ്പടികള്‍, കയര്‍, വല, അനുബന്ധ സാമഗ്രികള്‍ തുടങ്ങിയവ പൂര്‍ണമായും കത്തിനശിച്ചു. രണ്ട് ലക്ഷം രൂപയുടെ നഷ്ടമുണ്ടായതായി തൊഴിലാളികള്‍ പറഞ്ഞു.  തീവെച്ചതാണന്നും സംശയമുണ്ട്. കൊടുങ്ങല്ലൂര്‍ പൊലിസ് കേസെടുത്തു.