നെടുങ്കണ്ടം: വിവാഹ വാഗ്ദാനം നടത്തി പീഡിപ്പിച്ചെന്ന യുവതിയുടെ പരാതിയില്‍ നെടുങ്കണ്ടം പൊലിസ് രണ്ടുപേരെ അറസ്റ്റ് ചെയ്തു.
കൊല്ലം പത്തനാപുരം സുബഹാനില്ലത്ത് നവാസ് (36), നെടുങ്കണ്ടം കല്‍ക്കുന്തല്‍ മുക്കുങ്കല്‍ ജോമോന്‍ (24) എന്നിവരാണ് പിടിയിലായത്. പാലാ സ്വദേശിനിയായ യുവതിയെ വിവാഹ വാഗ്ദാനം നല്‍കി നെടുങ്കണ്ടത്ത് ഫ്‌ളാറ്റില്‍ വിളച്ചുവരുത്തി നവാസ് പീഡിപ്പിക്കുകയായിരുന്നു. ഇതിനിടെ നവാസിന്റെ അറിവോടെ ജോമോന്‍ യുവതിയ കടന്നുപിടിക്കുകയും ചെയ്തു. നെടുങ്കണ്ടത്ത് എസ്‌കവേറ്റര്‍ വാടകയ്ക്ക് നല്‍കുന്ന ജോലിയാണ് നവാസിന്. ഇതിനായി ഓഫീസുമുണ്ട്. വിവാഹം കഴിക്കാമെന്ന് വാഗ്ദാനം ചെയ്ത് യുവതിയെ നെടുങ്കണ്ടത്തെ ഫ്‌ളാറ്റില്‍ വിളിച്ചുവരുത്തി പീഡിപ്പിക്കുകയായിരുന്നു. ഇതിനിടെ മദ്യപിച്ചെത്തിയ സുഹൃത്ത് ജോമോന്‍ നവാസിന്റെ അറിവോടെ യുവതിയെ കടന്നുപിടിച്ചു. തുടര്‍ന്ന് കോട്ടയം വനിത സെല്ലില്‍ യുവതി പരാതി നല്‍കുകയായിരുന്നു.
പീഡനം നടന്നത് നെടുങ്കണ്ടത്ത് ആയതിനാല്‍ കേസ് കട്ടപ്പന ഡിവൈഎസ്പിയ്ക്ക് കൈമാറിയിരുന്നു.കട്ടപ്പന ഡിവൈഎസ്പി എന്‍ .സി. രാജ് മോഹനും സംഘവുമാണ് രണ്ടുപേരെയും പിടികൂടിയത്. അറസ്റ്റ് ചെയ്ത പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.