മലപ്പുറം: സുപ്രഭാതം ദിനപ്പത്രവും പെരിന്തല്‍മണ്ണ എം.ഇ.എ എന്‍ജിനീയറിംഗ് കോളജും സംയുക്തമായി സംഘടിപ്പിക്കുന്ന സൗജന്യ കരിയര്‍ ഗൈഡന്‍സ് ക്ലാസ് ഇന്നു നടക്കും. രാവിലെ ഒന്‍പതിനു മലപ്പുറം കിഴക്കേത്തലയിലെ സുന്നിമഹല്‍ ഓഡിറ്റോറിയത്തിലാണു ക്ലാസ് നടക്കുന്നത്. മെഡിക്കല്‍, എന്‍ജിനീയറിംഗ് വിഭാഗത്തിലെ തൊഴില്‍ ലഭിക്കുന്ന നൂറോളം കോഴ്‌സുകളെ പരിചയപ്പെടുകയാണു ലക്ഷ്യം. പ്ലസ്ടു സയന്‍സ് വിദ്യാര്‍ഥികള്‍ക്കും രക്ഷിതാക്കള്‍ക്കും വേണ്ടി മാത്രമാണു ക്ലാസ്. കേരള യൂനിവേഴ്‌സിറ്റി അസിസ്റ്റന്റ് രജിസ്ട്രാരും പ്രശസ്ത കരിയര്‍ കൗണ്‍സലറുമായ സത്താര്‍ ശ്രീകാര്യമാണു ക്ലാസ് നയിക്കുന്നത്.
ക്ലാസ് ഉദ്ഘാടനം പാണക്കാട് സയ്യിദ് മുനവറലി ശിഹാബ് തങ്ങള്‍ നിര്‍വഹിക്കും. പ്രവേശനം തികച്ചും സൗജന്യമാണ്. കൂടുതല്‍ വിവരങ്ങള്‍ക്ക് ഫോണ്‍. 9446961724, 8589984468.