തിരുവനന്തപുരം: കേരളത്തെ ലഹരി മുക്തമാക്കാന്‍ കഴിഞ്ഞ രണ്ടുവര്‍ഷത്തിനിടയില്‍ എക്‌സൈസ് നടത്തിയത് 2,21,842 റെയ്ഡുകള്‍. ഇതില്‍ 33,710 പേരെ അബ്കാരി കേസില്‍ ഉള്‍പ്പെടുത്തിയും, 8,348 പേരെ എന്‍.ഡി.പി.എസ് കേസുകളിലും ഉള്‍പെടുത്തി അറസ്റ്റ് ചെയ്തു.
കൂടാതെ 9525.350 ലിറ്റര്‍ സ്പിരിറ്റും, 6547.415 ലിറ്റര്‍ ചാരായവും,58907.856 ലിറ്റര്‍ വിദേശ മദ്യവും, 331609 ലിറ്റര്‍ കോടയും, 29624.445 ലിറ്റര്‍ അരിഷ്ടവും, 9497.33 ലിറ്റര്‍ ബിയറും, 24429.15 ലിറ്റര്‍ കള്ളും, 1924.55 ലിറ്റര്‍ വ്യാജമദ്യവും, 1835.267 കിലോ ഗ്രാം കഞ്ചാവും, 2511 കഞ്ചാവ് ചെടിയും, 12774.148 ഗ്രാം ഹാഷിഷും, 506.080 ഗ്രാം ഹെറോയിനും, 292.280 ഗ്രാം ബ്രൗണ്‍ ഷുഗറും, 4818 ഗ്രാം ഒപ്പിയവും, 9218 മയക്കു മരുന്നു ഗുളികകളും, 35,43,736 രൂപയും, 2829 വാഹനങ്ങളും എക്‌സൈസ് പിടിച്ചെടുത്തിട്ടുണ്ട്.