ദുബൈ: ക്രിസ്‌മസ് -പുതുവർഷ ആഘോഷ നാളുകൾ വരുന്നതിന്റെ ഭാഗമായി തിരക്കേറിയ യാത്രാ സമയം ആരംഭിക്കുന്നതിനാൽ എയർപോർട്ട് റോഡുകളിലൂടെയുള്ള സഞ്ചാരം കഴിവതും ഒഴിവാക്കണമെന്ന് ദുബൈ പൊലിസ് വാഹനമോടിക്കുന്നവരോട് അഭ്യർഥിച്ചു. വിമാന യാത്രക്കാർക്ക് സൗകര്യമൊരുക്കുന്നതിന്റെ ഭാഗമായി വിമാനത്താവളത്തിലേക്കോ പുറത്തേക്കോ പോകുന്ന റോഡുകൾ ഉപയോഗിക്കുന്നത് പരമാലധി ഒഴിവാക്കി ബദൽ പാതകൾ കണ്ടെത്തണമന്നാണ് അഭ്യർത്ഥന.

ദുബൈ എയർപോർട്ടുകളിലേയ്ക്കും എയർപോർട്ട് റോഡിലേയ്ക്കും ഉള്ള റോഡുകൾ ഉപയോഗിക്കുന്ന ഡ്രൈവർമാർ, പുറപ്പെടുന്നതിനും എത്തിച്ചേരുന്നതിനും യാത്രക്കാർക്ക് സുഗമമായ യാത്ര ഉറപ്പാക്കാൻ പ്രോത്സാഹിപ്പിക്കുന്നുവെന്ന് ദുബൈ പൊലിസ് എക്‌സിൽ കുറിച്ചു. 52 ലക്ഷത്തിലേറെ പേരാണ് ഈ മാസം 13 നും 31 നും ഇടയിൽ ദുബൈ രാജ്യാന്തര വിമാനത്താവളം വഴി യാത്ര ചെയ്യുന്നത്.

വിമാനത്താവളത്തിലെ ഏറ്റവും തിരക്കേറിയ ദിവസമായിരിക്കും 2,96,000 യാത്രക്കാരെത്തുന്ന ഈ മാസം ഇരുപത്. 8,80,000 അതിഥികൾ 20 മുതൽ 22 വരെയുള്ള വാരാന്ത്യത്തിൽ വിമാനത്താവളത്തിലൂടെ കടന്നുപോകും. ശരാശരി 2,74,000 ആളുകളാണ് ഉത്സവ കാലയളവിൽ ഓരോ ദിവസവും ദുബൈ എയർപോർട്ടിൽ നിന്ന് യാത്ര ചെയ്യുന്നത്. 

Dubai Police have issued a traffic advisory, requesting motorists to avoid using airport roads to reduce congestion and ensure smooth traffic flow.