തിരൂര്‍: മലയാള സര്‍വകലാശാലയില്‍ 21 മുതല്‍ 23 വരെ നടക്കുന്ന സാഹിതി സാഹിത്യോത്സവത്തോടനുബന്ധിച്ച് പുനലൂര്‍ രാജന്‍ തയാറാക്കിയ സാഹിത്യകാരന്‍മാരുടെ അപൂര്‍വ ഫോട്ടോകള്‍ പ്രദര്‍ശിപ്പിക്കും. ഐക്യകേരളത്തിന്റെ അറുപതു വര്‍ഷം അടയാളപ്പെടുത്തിക്കൊണ്ട് 60 സാഹിത്യകാരന്‍മാരുടെ അപൂര്‍വ ഫോട്ടോകളാണ് പ്രദര്‍ശിപ്പിക്കുക. മേളയ്ക്ക് ശേഷം ഈ ചിത്രങ്ങള്‍ സര്‍വകലാശാലയ്ക്കു നല്‍കും. ബഷീര്‍, തകഴി, കേശവദേവ്, എസ്.കെ പൊറ്റക്കാട്ട്, ഉറൂബ്, വി.ടി ഭട്ടതിരിപ്പാട്, ഇടശ്ശേരി, വൈലോപ്പിള്ളി, മുണ്ടശ്ശേരി, വയലാര്‍, എം.ടി, ബാലാമണിയമ്മ, മാധവിക്കുട്ടി, വി.കെ.എന്‍, സുകുമാര്‍ അഴീക്കോട്, എന്‍.പി മുഹമ്മദ്, കാക്കനാടന്‍, ചെറുകാട്, സക്കറിയ, ഒ.എന്‍.വി, കടമ്മിനിട്ട, പി. ഭാസ്‌കരന്‍, അക്കിത്തം തുടങ്ങിയവരുടെ ചിത്രങ്ങള്‍ പ്രദര്‍ശനത്തിലുണ്ടാകും.