കോഡൂര്‍:  അടുത്ത വര്‍ഷത്തെ പാഠ്യപ്രവര്‍നങ്ങള്‍ക്ക് അന്തിമരൂപം നല്‍കുന്നതിനായി എസ്.എസ്.എ സംഘടിപ്പിച്ച 'സമന്വയം' ഏകദിന അധ്യാപക സംഗമങ്ങള്‍ സമാപിച്ചു. എസ്.എസ്.എ. മലപ്പുറം ബ്ലോക്ക് റിസോഴ്‌സ് സെന്ററിന് കീഴില്‍ ആറ് കേന്ദ്രങ്ങളില്‍ സംഗമം നടന്നു. കോഡൂരില്‍ പ്രസിഡന്റ് സി.പി. ഷാജി ഉദ്ഘാടനം ചെയ്തു. വൈസ് പ്രസിഡന്റ് കെ. രമാദേവി പ്രഭാകരന്‍ അധ്യക്ഷയായി.
പൂക്കോട്ടൂര്‍ ഗ്രാമപഞ്ചായത്തിലേത് പുല്ലാനൂര്‍ ഗവ. വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ പ്രസിഡന്റ് വി.പി. സുമയ്യ ഉദ്ഘാടനം ചെയ്തു. വൈസ് പ്രസിഡന്റ് മന്‍സൂര്‍ എന്ന കുഞ്ഞിപ്പു അധ്യക്ഷയായി.
പൊന്മള ഗ്രാമപഞ്ചായത്തിലേത് ചാപ്പനങ്ങാടി പൂക്കോയത്തങ്ങള്‍ സ്മാരക വൊക്കേഷണല്‍ ഹയര്‍ സെക്കണ്ടറി സ്‌കൂളില്‍ പ്രസിഡന്റ് കെ. മൊയ്തീന്‍ ഉദ്ഘാടനം ചെയ്തു. വിദ്യാഭ്യാസ സ്ഥിരസമിതി ചെയര്‍മാന്‍ വെള്ളുക്കുന്നന്‍ മുസ്ഥഫ അധ്യക്ഷയായി.
കോട്ടക്കല്‍ നഗരസഭയില്‍ സി.എച്ച്. മുഹമ്മദ് കോയ സ്മാരക ഓഡിറ്റോറിയത്തില്‍ നഗരസഭാധ്യക്ഷന്‍ കെ.കെ. നാസര്‍ ഉദ്ഘാടനം ചെയ്തു. വിദ്യാഭ്യാസ സ്ഥിരസമിതി ചെയര്‍മാന്‍ സാജിദ് മങ്ങാട്ടില്‍ അധ്യക്ഷയായി.
മലപ്പുറം നഗരസഭയിലെ മേല്‍മുറി മേഖല സംഗമം എം.എം.ഇ.ടി. ഹയര്‍സെക്കണ്ടറി സ്‌കൂളില്‍ നഗരസഭാ ഉപാധ്യക്ഷന്‍ പെരുമ്പള്ളി സൈദ് ഉദ്ഘാടനം ചെയ്തു. നഗരസഭാംഗം ഇ.കെ മൊയ്തീന്‍ അധ്യക്ഷനായി. മലപ്പുറം മേഖല കോട്ടപ്പടി ബോയിസ് ഹയര്‍സെക്കന്‍ഡറി സ്‌കൂളില്‍ നഗരസഭാധ്യക്ഷ സി.എച്ച്. ജമീല ഉദ്ഘാടനം ചെയ്തു. വിദ്യാഭ്യാസ സ്ഥിരസമിതി ചെയര്‍പെഴ്‌സന്‍ ഫസീന കുഞ്ഞിമുഹമ്മദ് അധ്യക്ഷയായി.
എസ്.എസ്.എ. ജില്ലാ പ്രൊജക്റ്റ് ഓഫീസര്‍ ടി. മുജീബ് റഹ്മാന്‍, ഉപജില്ലാ വിദ്യാഭ്യാസ ഓഫീസര്‍ പി. ഹുസൈന്‍, അക്കാദമിക്ക് കോഓര്‍ഡിനേറ്റര്‍ മുഹമ്മദ് മുസ്തഫ, ജില്ലാ പ്രോഗ്രാം ഓഫീസര്‍ വി.എം. ഹുസൈന്‍, ടി. മുഹമ്മദ് തുടങ്ങിയവര്‍ പരിശീലനങ്ങളില്‍ സംസാരിച്ചു.