തിരുവനന്തപുരം: അന്താരാഷ്ട്ര ജൈവ വൈവിധ്യ കോണ്‍ഗ്രസ് ഒക്ടോബറില്‍ ഡെറാഡൂണില്‍ നടക്കും. 4 മുതല്‍ 6 വരെ ഡെറാഡൂണിലെ ഫോറസ്റ്റ് റിസര്‍ച്ച് ഇന്‍സ്റ്റിറ്റ്യൂട്ടിലാണ് ജൈവ വൈവിധ്യ കോണ്‍ഗ്രസ് സംഘടിപ്പിച്ചിരിക്കുന്നത്.
സെന്റര്‍ ഫോര്‍ ഇന്നൊവേഷന്‍ ഇന്‍ സയന്‍സ് ആന്‍ഡ് സോഷ്യല്‍ ആക്ഷന്‍ (സിസ്സ,തിരുവനന്തപുരം), നവധാന്യ ( ഡെറാഡൂണ്‍), ഇന്ത്യന്‍ കൗണ്‍സില്‍ ഓഫ് ഫോറസ്ട്രി റിസര്‍ച്ച് ആന്‍ഡ് എജ്യുക്കേഷന്‍ (ഐ.സി.എഫ്.ആര്‍.ഇ, ഡെറാഡൂണ്‍),ഫോറസ്റ്റ് റിസര്‍ച്ച് ഇന്‍സ്റ്റിറ്റ്യൂട്ട് (എഫ്.ആര്‍.ഐ), വൈല്‍ഡ് ലൈഫ് ഇന്‍സ്റ്റിറ്റ്യൂട്ട് ഓഫ് ഇന്ത്യ (ഡബ്ല്യൂ.ഐ.ഐ, ഡെറാഡൂണ്‍), ഉത്തരാഖണ്ഡ് ജൈവവൈവിധ്യ ബോര്‍ഡ്, ഉത്തരാഖണ്ഡ് കൗണ്‍സില്‍ ഫോര്‍ സയന്‍സ് ആന്‍ഡ് ടെക്‌നോളജി എന്നിവ സംയുക്തമായാണ് പരിപാടി സംഘടിപ്പിച്ചിരിക്കുന്നത്.
പരിപാടിയുടെ ബ്രോഷറിന്റെ പ്രകാശനവും വെബ്‌സൈറ്റിന്റെ ലോഞ്ചിങ്ങും ഇന്നലെ തിരുവനന്തപുരത്ത് നടന്നു. ഡോ. രാകേഷ് ഷാ, ഡോ.വന്ദന ശിവ,, എസ്.എസ് റസയ്‌ലി, ഡോ.വിനോദ് ഭട്ട്, ഡോ.ജി.ജി ഗംഗാധരന്‍, ഡോ.എ. ബിജുകുമാര്‍, ഡോ. സി. സുരേഷ്‌കുമാര്‍ പങ്കെടുത്തു.