ഗസസിറ്റി: ഹമാസ് തലവന്‍ യഹ്‌യ സിന്‍വാറിനെ വധിച്ചെന്ന് ഇസ്രാഈല്‍. ഗസയില്‍ ഇസ്രാഈല്‍ നടത്തിയ വ്യോമാക്രമണത്തില്‍ മൂന്ന് നേതാക്കള്‍ കൊല്ലപ്പെട്ടിരുന്നു. ഇതിലൊരാള്‍ യഹ്‌യയാണെന്നാണ് ഇസ്രാഈല്‍ പറയുന്നത്. സംഭവത്തില്‍ ഹമാസ് പ്രതികരിച്ചിട്ടില്ല. 

ഡി.എന്‍.എ പരിശോധനയിലാണ് കൊല്ലപ്പെട്ടത് സിന്‍വാര്‍ തന്നെയാണ് സ്ഥീരീകരിച്ചതായാണ് ഇസ്രാഈല്‍ സൈന്യം പറയുന്നത്. യഹ് യക്ക് പുറമെ കൊല്ലപ്പെട്ട ഹമാസ് നേതാക്കളുടെ പേരുവിവരങ്ങളും പുറത്തുവന്നിട്ടില്ല. 

ഹമാസ് രാഷ്ട്രീയ തലവനായിരുന്ന ഇസ്മാഈല്‍ഹനിയ കൊല്ലപ്പെട്ടതിന് ശേഷമാണ് യഹ്‌യ നേതൃസ്ഥാനത്തേക്ക് എത്തിയത്. കഴിഞ്ഞ വര്‍ഷം ഒക്ടോബര്‍ ഏഴിന് നടത്തിയ ആക്രമണത്തിന്റെ മുഖ്യ സൂത്രധാരന്‍ സിന്‍വാറാണെന്നാണ് ഇസ്രാഈല്‍ പറയുന്നത്. അതിന് ശേഷമുണ്ടായിട്ടുള്ള എല്ലാ ആക്രമണങ്ങളും നേരിട്ട് നയിക്കുന്നത് സിന്‍വാറാണ്. 

അതേസമയം യു.എന്‍ നേതൃത്വത്തിലുള്ള ഫലസ്തീന്‍ അഭയാര്‍ഥികള്‍ക്ക് വേണ്ടിയുള്ള  സ്‌കൂളിനുനേരെ ഇസ്രാഈല്‍ നടത്തിയ ബോംബാക്രമണത്തില്‍ കുട്ടികള്‍ ഉള്‍പ്പെടെ 28 പേര്‍ കൊല്ലപ്പെട്ടു. യു.എന്‍ റിലീഫ് ആന്റ് വര്‍ക്‌സ് ഏജന്‍സി ഫോര്‍ പലസ്തീന്‍ റെഫ്യൂജീസ് (UNRWA) കീഴിലുള്ള സ്‌കൂളിന് നേരെയാണ് ഈസ്രാഈല്‍ ഇന്ന് ആക്രമണം നടത്തിയത്. വടക്കന്‍ ഗസയിലെ ജബാലിയയിലാണ് സംഭവം. ആക്രമണത്തില്‍ 160ല്‍പരം ആളുകള്‍ക്ക് പരിക്കേറ്റതായാണ് വിവരം. 

Israel says they killed Hamas leader Yahya Sinwar