തളിപ്പറമ്പ് : മെയിന്‍ റോഡിലും, കോര്‍ട്ട് റോഡ്  ന്യൂസ് കോര്‍ണര്‍ ജംഗ്ഷനിലും അനധികൃതമായി പാര്‍ക്ക് ചെയ്ത ടൂവീലറുകള്‍ പൊലിസ് പിടിച്ചെടുത്തു. ഇന്നലെ വൈകുന്നേരം 4.30ഓടെ തളിപ്പറമ്പ് എസ്.ഐ പി.രാജേഷിന്റെ നേതൃത്വത്തിലെത്തിയ പൊലിസ് ബസ്‌ബേയിലും മറ്റും പാര്‍ക്ക് ചെയ്ത ടൂവീലറുകള്‍ മിനിലോറിയില്‍ കയറ്റി സ്‌റ്റേഷനിലെത്തിക്കുകയായിരുന്നു. 15ഓളം ടൂവീലറുകളാണ് കസ്റ്റഡിയിലെടുത്തത്. ഇവ പിഴ ചുമത്തി വിട്ടുകൊടുക്കുമെന്ന് പൊലിസ് അറിയിച്ചു. ജനകീയ വികസന സമിതി പാര്‍ക്കിംഗ് ക്രമീകരണമേര്‍പ്പെടുത്തി ബോര്‍ഡുകള്‍ സ്ഥാപിച്ചിരുന്നു.