തളിപ്പറമ്പ്  :  പന്നിയൂര്‍ കുരുമുളക് ഗവേഷണ കേന്ദ്രത്തിനു മുന്നില്‍ ജീപ്പ് സ്‌കൂള്‍ ബസ്സിലിടിച്ച് നാല് പേര്‍ക്ക് പരുക്കേറ്റു. ഇന്നലെ രാവിലെ പത്തരയോടെയായിരുന്നു സംഭവം.
   മറ്റൊരു വാഹനത്തെ മറികടക്കാന്‍ ശ്രമിക്കുന്നതിനിടെ ജീപ്പ് ബസ്സിലിടിക്കുകയായിരുന്നു. ജീപ്പ് ഓടിച്ചിരുന്ന ചെറുപുഴ പ്രാപ്പൊയില്‍ സ്വദേശി ദിലീപ് (31), ഭാര്യ ജ്വാല (24), മക്കളായ അഭിനവ് (3), അഭിജിത്ത് (3) എന്നിവര്‍ക്കാണ് പരിക്കേറ്റത്. ഇവരെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു.
    കാഞ്ഞിരങ്ങാട് വൈദ്യനാഥ ക്ഷേത്ര ദര്‍ശനം കഴിഞ്ഞ് മടങ്ങുകയായിരുന്ന ദിലീപും കുടുംബവും സഞ്ചരിച്ചിരുന്ന ജീപ്പ് എതിര്‍ദിശയില്‍ നിന്നു വന്ന കോറോം ദേവി സഹായം സ്‌കൂള്‍ ബസ്സില്‍ ഇടിക്കുകയായിരുന്നു. കാഞ്ഞിരങ്ങാട് ടെസ്റ്റ് ഗ്രൗണ്ടിലേക്ക് വാഹന പരിശോധനയ്്ക്കായി പോകുകയായിരുന്നു ബസ്സ്.
  ഈ മേഖലയില്‍ അപകടങ്ങള്‍ പതിവാണ്. റോഡിലേക്ക് പടര്‍ന്നു നില്‍ക്കുന്ന ആല്‍മരം കാഴ്ച്ച മറയ്ക്കുന്നതായി ഡ്രൈവര്‍മാര്‍ പറഞ്ഞു. ഇത് മുറിച്ചു മാറ്റാന്‍ പല തവണ പരാതി കൊടുത്തിട്ടും അധികൃതരുടെ ഭാഗത്തു നിന്ന് നടപടിയുണ്ടായിട്ടില്ലെ ന്ന് നാട്ടുകാര്‍ പറയുന്നു.