മനാമ: ബഹ്‌റൈന്‍ എസ്.കെ.എസ്.എസ്.എഫ് സംഘടിപ്പിക്കുന്ന 'തന്‍ബീഹ്' എന്‍ലൈറ്റിംഗ് പ്രോഗ്രാം-2017 വെള്ളിയാഴ്ച രാത്രി 8.30 ന് മനാമ ഗോള്‍ഡ് സിറ്റിയിലെ സമസ്ത ഓഡിറ്റോറിയത്തില്‍ നടക്കുമെന്ന് ബന്ധപ്പെട്ടവര്‍ അറിയിച്ചു.

എസ്.കെ.എസ്.എസ്.എഫ് ദഅ്‌വാ വിങായ 'ഇബാദ്' ന്റെ സ്റ്റേറ്റ് ചെയര്‍മാനും എസ്.കെ.എസ്.എസ്.എഫ് മുന്‍ പ്രസിഡന്റുമായ പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. പ്രമുഖ പണ്ഢിതനും വാഗ്മിയുമായ സുലൈമാന്‍ ദാരിമി ഏലംകുളം മുഖ്യപ്രഭാഷണം നടത്തും.

ചടങ്ങില്‍ സമസ്ത ബഹ്‌റൈന്‍ പ്രസിഡന്റ് സയ്യിദ് ഫക്‌റുദ്ധീന്‍ കോയ തങ്ങള്‍ അധ്യക്ഷത വഹിക്കും. സമസ്ത ബഹ്‌റൈന്‍ കേന്ദ്ര, ഏരിയാ നേതാക്കളും പോഷക സംഘടനാ പ്രതിനിധികളും സംബന്ധിക്കും. പരിപാടിയില്‍ പങ്കെടുക്കുന്ന സ്ത്രീകള്‍ക്ക് പ്രത്യേക സൗകര്യമുണ്ടായിരിക്കുന്നതാണ്. കൂടുതല്‍ വിവരങ്ങള്‍ക്ക്. 33413570,33642736 ല്‍ ബന്ധപ്പെടുക.