തിരുവനന്തപുരം: അഡീഷണല്‍ ലേബര്‍ കമ്മീഷണര്‍ എ. അലക്‌സാണ്ടറിന് ഐ.എ.എസ് ലഭിച്ചു. നിലവില്‍ തൊഴില്‍ ഭവനില്‍ അഡീഷണല്‍ ലേബര്‍ കമ്മീഷണര്‍ (എന്‍ഫോഴ്‌സ്‌മെന്റ്), ഇതര സംസ്ഥാന തൊഴിലാളികള്‍ക്കായി തൊഴില്‍ വകുപ്പ് നടപ്പാക്കിയ ആവാസ് പദ്ധതിയുടെ നോഡല്‍ ഓഫീസര്‍, തൊഴില്‍ വകുപ്പിന്റെ ഈസ് ഓഫ് ഡൂയിങ് ബിസിനസിന്റെ നോഡല്‍ ഓഫീസര്‍, ടോഡി ബോര്‍ഡ് സി.ഇ.ഒ, കണ്‍സ്ട്രക്ഷന്‍ ബോര്‍ഡ് സി.ഇ.ഒ എന്നീ നിലകളില്‍ സേവനം അനുഷ്ഠിച്ചുവരികയായിരുന്നു.