ചങ്ങനാശേരി: നഗരസഭാ കാര്യാലയത്തിനുസമീപത്തെ കടയില്‍നിന്ന് ചെമ്പുകമ്പി മോഷണംപോയ കേസില്‍ മുന്‍ ജീവനക്കാരന്‍ അറസ്റ്റില്‍. തൃക്കൊടിത്താനം നാല്‍ക്കവല കൊല്ലംപറമ്പില്‍ ശ്രീജിത്താണ് അറസ്റ്റിലായത്.
കഴിഞ്ഞ ബുധനാഴ്ചയാണ് കടയില്‍ മോഷണം നടന്നത്. മോഷണംപോയ പത്തു ബണ്ടില്‍ ചെമ്പുകമ്പി ശ്രീജിത്തിന്റെ വീടിനുസമീപത്തെ പറമ്പില്‍നിന്ന് പൊലിസ് കണ്ടെടുത്തു. കടയില്‍ നിന്ന് മോഷ്ടിച്ച ചെമ്പുകമ്പി വീടിനു സമീപത്തെ പറമ്പില്‍ സൂക്ഷിച്ചതാണ് പ്രതിയെ കണ്ടെത്തുന്നതിന് പൊലിസിനെ സഹായിച്ചത്.