മുബൈ: മുംബൈയിലെ മാന്‍കുര്‍ഡ് ഏരിയയില്‍ തീപിടിത്തം. മായ ഹോട്ടലിന് സമീപം ഇന്നലെ രാവിലെയാണ് തീപിടിത്തമുണ്ടായത്. സംഭവത്തില്‍ ആര്‍ക്കും പരുക്കേറ്റിട്ടില്ല. തീയണക്കാനായി 16 അഗ്നിശമന യൂനിറ്റുകളും ടാങ്കറുകള്‍ സംഭവ സ്ഥലത്തെത്തി.
സ്‌ക്രാപ്പ് നിര്‍മാണ ശാലയിലാണ് തീപിടിത്തമുണ്ടായത്. മൂന്ന് മണിക്കൂര്‍ നീണ്ട ശ്രമത്തിനൊടുവില്‍ തീ നിയന്ത്രണ വിധേയമായി. അനധികൃതമായാണ് കെട്ടിടം നിര്‍മിച്ചിരിക്കുന്നതെന്നും ഉടമകള്‍ക്കെതിരേ കേസ് രേഖപ്പെടുത്തിയിട്ടുണ്ടെന്നും അഗ്നിശമന വിഭാഗം അറിയിച്ചു. ആര്‍ക്കും അപകടമുണ്ടായിട്ടില്ലെന്നും എണ്ണ, പ്ലാസ്റ്റിക് ഉല്‍പ്പനങ്ങള്‍, പ്ലൈവുഡ്, മര ഉപകരണങ്ങള്‍, കെമിക്കലുകള്‍ എന്നിവയുണ്ടായിരുന്ന കെട്ടിടത്തിലാണ് തീപിടിച്ചതെന്ന് അഗ്നിശമനാ തലവന്‍ പി.എസ് രംഗദലെ പറഞ്ഞു.