തൃശൂര്‍:  ഭരണപാടവും ശക്തിപ്പെടുത്തുന്നതിന്റെ ഭാഗമായി സംസ്ഥാനത്തെ സബ് കലക്ടര്‍മാര്‍ക്കു കിലയില്‍ ഏകദിന പരിശീലനം സംഘടിപ്പിച്ചു. കണ്ണൂര്‍, തൃശൂര്‍, കോട്ടയം, കോഴിക്കോട്, മലപ്പുറം, പത്തനംതിട്ട ജില്ലകളില്‍ നിന്നുള്ള 2014 ബാച്ചില്‍ പെട്ട സബ് കലക്ടര്‍മാരാണ് പരിശീലനത്തില്‍ പങ്കെടുത്തത്.
തിരുവനന്തപുരത്തെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് ഇന്‍ ഗവര്‍മ്മെന്റ് (ഐ.എം.ജി) ലെ ഡയറക്ടര്‍ ജനറല്‍ സത്യജിത്ത് രാജന്‍, അസി.പ്രൊഫ. മിനി ബി.നായര്‍ എന്നിവര്‍ നേതൃത്വം നല്‍കി.