മാഡ്രിഡ്: അത്‌ലറ്റിക്കോ മാഡ്രിഡിന്റെ വിജയം ആരാധകന് സമര്‍പ്പിച്ച് ഗ്രിസ്മാനും അത്‌ലറ്റിക്കോ മാഡ്രിഡും. കഴിഞ്ഞ ദിവസം മലാഗക്കെതിരേയുള്ള വിജയത്തെ തുടര്‍ന്നാണ് ഗ്രിസ്മാന്‍ ജഴ്‌സി ഉയര്‍ത്തിക്കാട്ടി മരിച്ച ആരാധകന് സമര്‍പ്പിക്കുന്നു എന്ന് പറഞ്ഞത്. നാച്ചോ ബെര്‍ബറയുടെ പേരെഴുതിയ ജഴ്‌സി ഉയര്‍ത്തിക്കാട്ടിയാണ് താരം വിജയം സമര്‍പ്പിക്കുന്നതായി അറിയിച്ചത്. അണ്ടര്‍ 12 മത്സരത്തിനിടെ കഴിഞ്ഞ ആഴ്ചയാണ് നാച്ചോ ബര്‍ബറയെന്ന അത്‌ലറ്റിക്കോ ഫാന്‍ മരണപ്പെട്ടത്. കടുത്ത അത്‌ലറ്റിക്കോ ഫാനായിരുന്നു ഇദ്ദേഹത്തിന് എന്റെ ഗോളും ഞങ്ങളുടെ വിജയവും സമര്‍പ്പിക്കുന്നെന്ന് ഗ്രിസ്മാന്‍ ട്വിറ്ററില്‍ കുറിച്ചു.