ജുബൈല്‍: ജുബൈല്‍ ഇസ്‌ലാമിക് സെന്റര്‍ എസ് വൈ എസ് , എസ് കെ എസ് എസ് എഫ്  സെന്‍ട്രല്‍ കമ്മിറ്റിയുടെ ആഭിമുഖ്യത്തിലുള്ള ദാറുല്‍ ഫൗസ് വിദ്യാര്‍ത്ഥികളുടെ കലാപാടികള്‍ 'സര്‍ഗ്ഗലയം 2017' ശ്രദ്ധേയമായി. വെള്ളിയാഴ്ച്ച രാവിലെ ഒന്‍പതു മുതല്‍ രാത്രി പത്തു വരെ നടന്ന പരിപാടിയില്‍ വിദ്യാര്‍ത്ഥി വിദ്യാര്‍ത്ഥിനികളുടെ കലാ പരിപാടികള്‍ ഹൃദ്യമായിരുന്നു. രാവിലെ നടന്ന വിദ്യാര്‍ത്ഥിനികളുടെ കലാ പരിപാടി കഴിഞ്ഞു ഉച്ചക്ക് ശേഷമാണ് ആണ്‍ കുട്ടികയുടെ മത്സര പരിപാടികള്‍ ആരംഭിച്ചത്.  ജൂനിയര്‍, സീനിയര്‍ വിദ്യാര്‍ത്ഥികളുടെ ദഫ് അരങ്ങേറ്റവും ,വിഖായ സന്നദ്ധ സേവക സംഘത്തിന്റെ ബുര്‍ദ ഖവാലിയും പരിപാടിക്ക് മാറ്റ് കൂട്ടി.

ജുബൈല്‍ കുക് സോണ്‍ ഓഡിറ്റോറിയത്തില്‍ ഉച്ചക്ക് ശേഷം നടന്ന ഉദ്ഘാടന ചടങ്ങില്‍ ദാറുല്‍ ഫൗസ് മദ്രസാ ചെയര്‍മാന്‍ നൗഷാദ് തിരുവനന്തപുരം അധ്യക്ഷതയില്‍ അബദുറസാഖ് ഫൈസി ഉദ്ഘാടനം ചെയ്തു. മുഹമ്മദ് ദാരിമി പ്രാര്‍ത്ഥന നടത്തി. നൗഷാദ് കെ എസ് പുരം ആമുഖ പ്രഭാഷണവും , നാസര്‍ ഫൈസി മൊറയൂര്‍, സയ്യിദ് അഹമ്മദ് തങ്ങള്‍, അബ്ദുസ്സലാം ഹുദവി (എസ് വൈ എസ് ജുബൈല്‍ വെസ്റ്റ് കമ്മിറ്റി പ്രസിഡന്റ്), ഹഖീം ഹുദവി, റിയാസ് ഒറ്റപ്പാലം (സര്‍ഗ്ഗലയം കണ്‍വീനര്‍) സംസാരിച്ചു, സൈദലവി ഹാജി വേങ്ങര, മനാഫ് മാത്തോട്ടം (എസ് വൈ എസ് ജുബൈല്‍ ഈസ്റ്റ് കമ്മിറ്റി പ്രസിഡന്റ്), ബാവ ഹാജി പള്ളിക്കല്‍ ബസാര്‍, ശിഹാബ് കൊടുവള്ളി, ഹിദായത് മംഗലാപുരം സന്നിഹിതരായിരുന്നു. തുടര്‍ന്നായിരുന്നു ആണ്‍ കുട്ടികളുടെ മത്സരം അരങ്ങേറിയത്.

വൈകീട്ട് എട്ടു മണിക്ക് നടന്ന സമാപന സമ്മേളനത്തില്‍ ശിഹാബുദ്ധീന്‍ ബാഖവി (ചെയര്‍മാന്‍,എസ് വൈ എസ്  ജുബൈല്‍ സെന്‍ട്രല്‍ കമ്മിറ്റി) അധ്യക്ഷത വഹിച്ചു. സുലൈമാന്‍ ഖാസിമി (പ്രസിഡന്റ്, ചെയര്‍മാന്‍,എസ് വൈ എസ്  ജുബൈല്‍ സെന്‍ട്രല്‍ കമ്മിറ്റി) ഉദ്ഘാടനം ചെയ്തു . ദമാം, ശര്‍ഖിയ്യ റെയ്ഞ്ച് ജംഇയ്യത്തുല്‍ മുഅല്ലിമീന്‍ പ്രസിഡന്റ് സുഹൈല്‍ ഹുദവി മുഖ്യ പ്രഭാഷണം നടത്തി.  സെന്‍ട്രല്‍ കമ്മിറ്റി സെക്രട്ടറി റാഫി ഹുദവി ആമുഖ പ്രഭാഷണം നടത്തി. അഷ്‌റഫ് ചെട്ടിപ്പടി (കെ എം സി സി), കെ എച്ച് മുഹമ്മദ് റഫീഖ് സംസാരിച്ചു. ദാറുല്‍ ഫൗസ് സ്വദര്‍ മുഅല്ലിം ഇബ്‌റാഹീം ദാരിമി സമാപന ദുആ സമ്മേളനത്തിന് നേതൃത്വം നല്‍കി. സുബൈര്‍ മൗലവി നന്ദിയര്‍പ്പിച്ചു.

കഴിഞ്ഞ വര്‍ഷത്തെ പൊതു പരീക്ഷയില്‍ അഞ്ച്, ഏഴ് ക്ലാസ്സുകളില്‍ ഉന്നത വിജയം നേടിയവര്‍ക്കുള്ള സര്‍ട്ടിഫിക്കറ്റ് വിതരണവും സബ്ജൂനിയര്‍ , ജൂനിയര്‍, എന്നീ വിഭാഗങ്ങളിലായി നടന്ന വിവിധ കലാ പരിപാടികള്‍ക്ക് ഒന്നും രണ്ടും സ്ഥാനം നേടിയവര്‍ക്കുള്ള പ്രത്യേക സമ്മാനങ്ങളും പങ്കെടുത്തവര്‍ക്കും, ജൂനിയര്‍, സീനിയര്‍വിഭാഗം ദഫ് ടീമിനും പ്രത്യേക പ്രോത്സാഹന സമ്മാനങ്ങളും സമാപന സമ്മേളനത്തില്‍ വിതരണം ചെയ്തു .

ആലിക്കുട്ടി സാഹിബ്, സജീര്‍ കടുങ്ങല്ലൂര്‍,  ഹസന്‍ തേക്കും കുറ്റി ,  അബ്ദുല്ല കിടങ്ങഴി, അബ്ദദുല്‍ കരീം ഹാജി, ജാബിര്‍ കൊല്ലം, ബഷീര്‍ ബാഖവി, ജലാല്‍ മൗലവി, മുസ്തഫ ദാരിമി, കബീര്‍ ഫൈസി ദമാം,  തുടങ്ങിയവര്‍ വിവിധ ഇനങ്ങളില്‍ സമ്മാന വിതരണം നടത്തി. രാവിലെ നടന്ന പെണ്‍കുട്ടികളുടെ കലാ മത്സരങ്ങള്‍ക്ക് സാജി ഫസലുറഹ്മാന്‍, റംല ശരീഫ്, ശഹറുബാന്‍ സലീം , ഫാത്വിമ ശഹ്‌സാദ തുടങ്ങിയവര്‍ നേതൃത്വം നല്‍കി. മുഫീദ സുലൈമാന്‍ ദുആയും സ്വഫ ഖിറാഅത്തും നടത്തി.