ചേളാരി: 'നന്‍മ കൊണ്ട് നാടൊരുക്കാം വിദ്യ കൊണ്ട് കൂട് തീര്‍ക്കാം' എന്ന പ്രമേയത്തില്‍ സമസ്ത കേരള സുന്നി ബാലവേദിയുടെ സില്‍വര്‍ ജൂബിലിയുടെ ഭാഗമായി സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങളുടെ നേതൃത്വത്തില്‍ അനുഗ്രഹ സഞ്ചാരം സംഘടിപ്പിക്കുന്നു. 25ന് രാവിലെ 8.30ന് വരക്കല്‍ മഖാമില്‍ നിന്നാരംഭിച്ച് വൈകിട്ട് ഏഴിന് പാണക്കാട്ട് സമാപിക്കും.
പാണക്കാട് സയ്യിദ് റാജിഹലി ശിഹാബ് തങ്ങള്‍, സംസ്ഥാന സെക്രട്ടറി അഫ്‌സല്‍ രാമന്തളി എന്നിവര്‍ ഉപനായകരായ പരിപാടിയില്‍ സയ്യിദ് സ്വദഖത്തുല്ല തങ്ങള്‍ അരിമ്പ്ര, ഫുആദ് വെള്ളിമാടുകുന്ന്, റബീഉദ്ദീന്‍ വെന്നിയൂര്‍, അനസ് അലി ആമ്പല്ലൂര്‍, സജീര്‍ കാടാച്ചിറ, അസ്‌ലഹ് മുതുവല്ലൂര്‍, മുബഷിര്‍ ചുങ്കത്ത്, മുബഷിര്‍ മേപ്പാടി, മുനാഫര്‍ ഒറ്റപ്പാലം, റിസാല്‍ദര്‍ അലി ആലുവ, യാസര്‍ അറഫാത്ത്, ശഫീഖ് മണ്ണഞ്ചേരി, മുബാഷ് ആലപ്പുഴ, നാസിഫ് തൃശൂര്‍, സ്വാലിഹ് തൊടുപുഴ, മുഹ്‌സിന്‍ ഓമശ്ശേരി, ഫര്‍ഹാന്‍ കൊടക്, ആബിദലി കാസര്‍കോട്, സുഹൈല്‍ തടിക്കടവ്, അന്‍ശാദ് ബല്ലാകടപ്പുറം സംബന്ധിക്കും. ആലോചനാ യോഗത്തില്‍ സംസ്ഥാന പ്രസിഡന്റ് പാണക്കാട് സയ്യിദ് അസീല്‍ അലി ശിഹാബ് തങ്ങള്‍ അധ്യക്ഷനായി.