കോഴിക്കോട്: പ്രീ-പ്രൈമറിയെ പൊതുവിദ്യാഭ്യാസത്തിന്റെ ഭാഗമായി അംഗീകരിക്കുക, സര്‍ക്കാര്‍ ശമ്പള സ്‌കെയില്‍ പ്രഖ്യാപിക്കുക, പ്രീ-പ്രൈമറി രംഗത്തെ പ്രശ്‌നങ്ങള്‍ പഠിയ്ക്കാന്‍ കമ്മീഷനെ നിയോഗിക്കുക തുടങ്ങിയ ആവശ്യങ്ങളുന്നയിച്ച് പ്രീ- പ്രൈമറി ടീച്ചേഴ്‌സ് ആന്‍ഡ് ഹെല്‍പ്പേഴ്‌സ് ഓര്‍ഗനൈസേഷന്‍ ആഭിമുഖ്യത്തില്‍ ഡി.ഡി.ഇ. ഓഫിസ് മാര്‍ച്ച് നടത്തി.
സ്ത്രീ സുരക്ഷാ സമിതി ജില്ലാ രക്ഷാധികാരി എ. ശേഖര്‍ മാര്‍ച്ച് ഉദ്ഘാടനം ചെയ്തു. ജില്ലാ സെക്രട്ടറി പി. വനജ ടീച്ചര്‍ അധ്യക്ഷയായി.
കെ.പി സുബൈദ, പി.എം ശ്രീകുമാര്‍, ദേവിക ടീച്ചര്‍, വി. സുമ, കെ.സി വിജയകുമാരി സംസാരിച്ചു.