ലഖ്‌നൗ: അലഹബാദ് സര്‍വകലാശാലയിലെ വിദ്യാര്‍ഥിയെ കൊലപ്പെടുത്തിയ സംഭവത്തില്‍ അക്രമിക്ക് രാഷ്ട്രീയ ബന്ധമെന്ന് പൊലിസ്. രണ്ടാം വര്‍ഷ നിയമ വിദ്യാര്‍ഥി ദിലീപ് സരോജ് ആണ് അലഹബാദിലെ ഒരു റസ്റ്റോറന്റില്‍ കൊല്ലപ്പെട്ടത്. നാലുപേര്‍ ചേര്‍ന്നാണ് വിദ്യാര്‍ഥിയെ കൊലപ്പെടുത്തിയത്. എന്നാല്‍ ഇവരിലെ സംഘത്തലവന് രാഷ്ട്രീയ ബന്ധമുണ്ടെന്ന് കണ്ടെത്തിയിട്ടുണ്ടെന്നാണ് പൊലിസ് ഇന്നലെ അറിയിച്ചത്. റെയില്‍വേ ജീവനക്കാരനായ വിജയ് ശങ്കര്‍ സിങ് കൊലക്കുശേഷം ഒളിവില്‍പോയതായാണ് പൊലിസ് പറയുന്നത്.