തിരുവനന്തപുരം: യു.എ.ഇയില്‍ ജോലി തേടുന്നവര്‍ക്ക് പൊലിസ് ക്ലിയറന്‍സ് സര്‍ട്ടിഫിക്കറ്റ് ലഭിക്കുന്നതിനുള്ള നടപടിക്രമങ്ങള്‍ ലഘൂകരിച്ചു. അപേക്ഷാഫീസ് ആയിരം രൂപയായിരുന്നത് 500 രൂപയാക്കി കുറക്കുകയും ചെയ്തു. പുതിയ നടപടിക്രമമനുസരിച്ച് സര്‍ട്ടിഫിക്കറ്റിന് അപേക്ഷിക്കുന്ന വ്യക്തി ഇപ്പോള്‍ താമസിക്കുന്ന സ്ഥലത്തെ പൊലിസ് സ്റ്റേഷനില്‍ അപേക്ഷ സമര്‍പ്പിക്കണം.
അപേക്ഷയോടൊപ്പം മേല്‍വിലാസവും ജനന തിയതിയും തെളിയിക്കുന്നരേഖ, പൊലിസ് ക്ലിയറന്‍സ് സര്‍ട്ടിഫിക്കറ്റ് എന്താവശ്യത്തിനാണെന്നതിനു തെളിവായുള്ള കത്ത് രേഖ, പാസ്‌പോര്‍ട്ടിന്റെ പകര്‍പ്പ് ലഭ്യമാണെങ്കില്‍ അത്, രണ്ട് പാസ്‌പോര്‍ട്ട് സൈസ് ഫോട്ടോ എന്നിവയും ഹാജരാക്കണം. അപേക്ഷാഫീസായ 500 രൂപ സ്റ്റേഷനില്‍ സ്വീകരിക്കും.