ആലപ്പുഴ: പടിഞ്ഞാറെ ശാഫി ജമാഅത്തില്‍ അന്ത്യവിശ്രമം കൊള്ളുന്ന സൂഫിവര്യന്‍ ആലപ്പുഴ മുഹമ്മദ് കുഞ്ഞ് മുസ്ലിയാരുടെ(പല്ലന ഉസ്താദ്) ആണ്ട് നേര്‍ച്ചയും അനുസ്മരണസമ്മളനവും വിവിധ പരിപാടികളോടെ നടന്നു.പല്ലന ഉസ്താദ് ദഅ്‌വ ഫൗണ്ടേഷന്‍ പ്രസിഡന്റ് പി.എ അബൂബക്കര്‍ ഹാജിയുടെ അധ്യക്ഷതയില്‍ നടന്ന അനുസ്മരണ സമ്മേളനം സമസ്ത ജില്ലാ പ്രസിഡന്റ് സി മുഹമ്മദ് അല്‍ഖാസിമി ഉദ്ഘാടനം ചെയ്തു.
പുണ്യാത്മാക്കളെ സ്മരിക്കുന്നതോടൊപ്പം അവരുടെ ജീവിത പാത പിന്തുടരാന്‍ വിശ്വാസികള്‍ പ്രതിജ്ഞാബദ്ധമാണെന്നും പല്ലന ഉസ്താദിന്റെ ജീവിതവും ദര്‍ശനവും സമൂഹത്തിനാകെ മാതൃകയായിരുന്നെന്നും അദ്ദേഹം പറഞ്ഞു.പല്ലന ജുമാ മസ്ജിദ് ഇമാം മുഹമ്മദ് ഫൈസി, പി.എസ് മുഹമ്മദ് ഹാഷിം കാമില്‍സഖാഫി എന്നിവര്‍ അനുസ്മരണ പ്രഭാഷണം നടത്തി. ദുആ മജ്‌ലിസിന് സി മുഹമ്മദ് അല്‍ഖാസിമിയും സിയാറത്തിന് എ എം മുഈനുദ്ദീന്‍ മുസ്‌ലിയാരും നേതൃത്വം നല്‍കി.ശാഫി ജമാഅത്ത് ജനറല്‍സെക്രട്ടറി മുബാറക് ഹാജി, പല്ലന ഉസ്താദ് ദഅ്‌വ ഫൗണ്ടേഷന്‍ ജനറല്‍സെക്രട്ടറി എ.എം റഹ് മത്തുല്ലാഹ് മുസ്ലിയാര്‍, ട്രഷറര്‍ കെ.എം അലിക്കോയ, എഛ് അബ്ദുന്നാസര്‍, വി.കെ അബ്ദുസലാം, കോയാ സാഹിബ്, അബ്ദുല്‍ഹയ്യ്, സലാം പൊന്നാട് സംസാരിച്ചു.