കൊണ്ടോട്ടി: സംസ്ഥാന ഹജ്ജ് കമ്മിറ്റി മുഖേന 2025ലെ ഹജ്ജ് തീർഥാടനത്തിന് അവസരം ലഭിച്ചവരിൽ കൂടുതൽ പേരും മലപ്പുറം ജില്ലയിൽ നിന്ന്. മലപ്പുറത്ത് നിന്ന് മാത്രം ഇത്തവണ 4785 പേർക്കാണ് ഹജ്ജിന് അവസരം ലഭിച്ചത്. 20,636 അപേക്ഷകളാണ് സംസ്ഥാനതലത്തിൽ ലഭിച്ചത്. ഇതിൽ 14,590 പേർക്കാണ് അവസരം. ബാക്കി 6046 പേർ വെയ്റ്റിങ് ലിസ്റ്റിലാണ്.

സംസ്ഥാനത്തെ മൂന്ന് എംബാർക്കേഷൻ പോയിന്റുകളിൽ വച്ച് കൂടുതൽ തീർഥാടകർ കരിപ്പൂരിൽ നിന്നാണ് യാത്രതിരിക്കുന്നത്. കരിപ്പൂരിൽ നിന്ന് 5578 പേരും കൊച്ചി വഴി 5181പേരും കണ്ണൂരിൽ 3809 തീർഥാടകരുമാണ് പുറപ്പെടുന്നത്.            മറ്റു ജില്ലകളിൽ നിന്നുള്ള തീർഥാടകരുടെ എണ്ണം: കോഴിക്കോട് 2412, കണ്ണൂർ 1714, എറണാകുളം 1252, ആലപ്പുഴ 295, ഇടുക്കി 135, കാസർകോട് 1077, കൊല്ലം 435, കോട്ടയം 196, പാലക്കാട് 846, പത്തനംതിട്ട 78, തിരുവനന്തപുരം 469, തൃശൂർ 665, വയനാട് 231.

Hajj 2025; More pilgrims from Malappuram