ന്യൂഡല്‍ഹി: രണ്ടു പതിറ്റാണ്ടായി നിലനില്‍ക്കുന്ന കാവേരി നദീജല തര്‍ക്ക കേസില്‍ കര്‍ണാടകത്തിന് ആശ്വാസകരമായി സുപ്രിം കോടതി വിധി.കര്‍ണാടകത്തിന് അധിക ജലം നല്‍ഡകാന്‍ സുപ്രിം കോടതി ഉത്തരവിട്ടു. ഇതനുസരിച്ച് കര്‍ണാടകത്തിന് 14.75 ടി.എം.സ് അധികജലം നല്‍കണം. തമിഴ് നാടിന്റെ വിഹിതം 177.25 ടി.എം.സിയായി കുറച്ചു. അധിക ജലം വേണമെന്ന കേരളത്തിന്റെയും പുതുച്ചേരിയുടേയും ഹരജി കോടതി തള്ളി.
 
ട്രൈബ്യൂണല്‍ ഉത്തരവ് ഭേദഗതി ചെയ്യുന്നതാണ് സുപ്രിം കോടതി വിധി. തമിഴിനാടിന് 192ടി.എംസി അനുവദിച്ചായിരുന്നു ട്രൈബ്യൂണല്‍ ഉത്തരവ്. നദിയിലെ ജലം വീതിച്ച് നല്‍കിയ 2007 ലെ കാവേരി നദീ ജല തര്‍ക്കപരിഹാര ട്രിബ്യൂണല്‍ ഉത്തരവ് ചോദ്യം ചെയ്തുള്ള ഹരജികളിലാണ് വിധി പ്രഖ്യാപിച്ചത്.

കാവേരിയിലെ 740 ടി. എം .സി ജലം കാവേരി തര്‍ക്കപരിഹാര ട്രിബ്യൂണല്‍ കേരളം, തമിഴ്‌നാട് , കര്‍ണാടക സംസ്ഥാനങ്ങള്‍ക്കും ഒപ്പം പുതുച്ചേരിക്കുമായി 2007 ല്‍ വീതിച്ച് നല്‍കിയിരുന്നു. കര്‍ണാടകക്ക് 270 ടി.എം സി, തമിഴ്‌നാടിന് നൂറ്റി പത്തൊന്‍പത്, കേരളത്തിന് മുപ്പത്, പുതുച്ചേരിക്ക് എഴ് ടി എം സി എന്നിങ്ങനെയായാണ് ട്രീബൂണല്‍ വീതിച്ചത്. എന്നാല്‍ ഈ വിധിയില്‍ അതൃപ്തരായ മൂന്ന് സംസ്ഥാനങ്ങളും സുപ്രിം കോടതിയെ സമീപിക്കുകയായിരുന്നു.

99.8 ടി എം സി ജലം വിട്ട് കിട്ടണമെന്നായിരുന്നു കേരളത്തിന്റെ ആവശ്യം, കബനി, ഭവാനി അടക്കമുള്ള കൈവഴികളിലൂടെ ചുരുങ്ങിയത് 147 ടി.എംസി ജലമെങ്കിലും കാവേരിയിലേക്ക് ഒഴുകുന്നുണ്ടെന്ന് കേരളം ചൂണ്ടിക്കാട്ടി.

അതേസമയം, കാവേരി നദീതട ജില്ലകളിലും തമിഴ്‌നാട് അതിര്‍ത്തി ജില്ലകളിലും കര്‍ണാടക സുരക്ഷശക്തമാക്കിയിരുന്നു.