പൊവ്വല്‍: കണ്ണൂര്‍ സര്‍വകലാശാല കലോത്സവത്തിന് ഇന്നു കൊടിയിറങ്ങാനിരിക്കെ കലാകിരീടത്തിനായി പയ്യന്നൂര്‍ കോളജ് പയ്യന്നൂരും നെഹ്‌റു ആര്‍ട്‌സ് ആന്റ് സയന്‍സ് കോളജ് കാഞ്ഞങ്ങാടും തമ്മില്‍ ഇഞ്ചോടിഞ്ചു പോരാട്ടം.
97 ഇനങ്ങളിലെ ഫലം വന്നപ്പോള്‍ പയ്യന്നൂരിന് 182 ഉം നെഹ്‌റുവിന് 180 പോയന്റും ലഭിച്ചിട്ടുണ്ട്. 126 പോയന്റ് നേടിയ തലശ്ശേരി ബ്രണ്ണന്‍ കോളജാണു മൂന്നാം സ്ഥാനത്ത്. 127 ഇനങ്ങളില്‍ 97 ഇനങ്ങളാണു പൂര്‍ത്തിയായത്. ഒപ്പന, നാടോടി നൃത്തം, ദഫ് മുട്ട്, മലയാളം നാടകം ഉള്‍പ്പെടെയുള്ള ആകര്‍ഷകമായ ഇനങ്ങളാണ് ഇന്നു നടക്കുന്നത്.
സമാപന യോഗം ഒന്നാം വേദിയില്‍ ഉച്ചയ്ക്കു രണ്ടിനു പി കരുണാകരന്‍ എം.പി ഉദ്ഘാടനം ചെയ്യും.