റിയാദ്: ഓര്‍ഗനൈസേഷന്‍ ഓഫ് ഇസ്‌ലാമിക് കോഓപറേഷന്(ഒ.ഐ.സി) കീഴിയുള്ള അംഗരാജ്യങ്ങളിലെ തൊഴില്‍മന്ത്രിമാരുടെ നാലാമത് ഉച്ചകോടിക്ക് ജിദ്ദ ആതിഥ്യം വഹിക്കും. ഈ മാസം 21, 22 തിയതികളില്‍ സഊദി തൊഴില്‍, സാമൂഹിക വികസന മന്ത്രാലയത്തിന്റെ സഹകരണത്തോടെയാണ് ഒ.ഐ.സി ഉച്ചകോടി സംഘടിപ്പിക്കുന്നത്.
അംഗരാജ്യങ്ങളിലെ തൊഴില്‍ വിപണികളിലെ വെല്ലുവിളികള്‍, കൂടുതല്‍ തൊഴില്‍ വിപണി രൂപീകരിക്കല്‍, മാനവ വിഭവശേഷി കൈകാര്യം ചെയ്യല്‍ തുടങ്ങിയവ പ്രധാന ചര്‍ച്ചാ വിഷയമാകും. കൂടാതെ ഒ.ഐ.സി തൊഴില്‍ വിപണിയുടെ തന്ത്രങ്ങള്‍, തൊഴില്‍ പരിചയ സമ്പന്നരെ പരസ്പരം കൈമാറ്റം ചെയ്യുന്ന മ്യൂച്വല്‍ റെക്കഗ്‌നിഷന്‍ അറേഞ്ച്‌മെന്റ്(എം.ആര്‍.എ), മാനവശേഷി കൈമാറ്റം സംബന്ധിച്ച ഉഭയകക്ഷി കരാര്‍ എന്നിവയെ കുറിച്ചും ചര്‍ച്ചകള്‍ നടക്കും.