മംഗളൂരു: ദലിത് യുവതിയെ പീഡിപ്പിച്ച രണ്ടുപേരെ പൊലിസ് അറസ്റ്റു ചെയ്തു. പുത്തൂര്‍ താലൂക്കിലെ കൊക്കട വില്ലേജ് സ്വദേശികളായ ധനഞ്ജയ(26), കുശലപ്പ(24) എന്നിവരാണ് ഉപ്പിനങ്ങാടി പൊലിസിന്റെ പിടിയിലാത്. പ്രതികളിലൊരാളായ ധനഞ്ജയ ഒരുമാസം മുന്‍പാണ് യുവതിയുമായി ഫോണ്‍ വഴി പരിചയത്തിലായതെന്ന് പൊലിസ് പറഞ്ഞു.
ഈ മാസം 15ന് രാത്രി 10 ഓടെ സുഹൃത്തായ കുശലപ്പയോടൊപ്പം യുവതി ദേലംപാടിയിലെ തന്റെ സഹോദരിയുടെ വീട്ടിലേക്കു വന്നിരുന്നു. തുടര്‍ന്ന് യുവതിയെ പ്രദേശത്തെ ഒരു ആഘോഷ ചടങ്ങിലേക്ക് ധനഞ്ജയ കൂട്ടിക്കൊണ്ടു പോവുകയും നെല്ലിയാടിയിലുള്ള ഒരു ഒഴിഞ്ഞ വീട്ടില്‍ വച്ച് ഇരുവരും ചേര്‍ന്ന് പീഡിപ്പിക്കുകയുമായിരുന്നു. ഇതിനു ശേഷം രാത്രി ഒന്നോടെ യുവതിയെ ഉപ്പിനങ്ങാടി ബസ്സ്റ്റാന്‍ഡ് പരിസരത്ത് ഉപേക്ഷിച്ച് ഇരുവരും കടന്നുകളയുകയും ചെയ്തു.
യുവതിയോട് ബസ്സ്റ്റാന്‍ഡ് പരിസരത്തു നില്‍ക്കാന്‍ പറഞ്ഞ പ്രതികള്‍ ഓട്ടോ വിളിച്ചു വരാമെന്നുപറഞ്ഞാണ് മുങ്ങിയത്. ഇവര്‍ തിരികെ വരാതെ വന്നതോടെ യുവതി ഉപ്പിനങ്ങാടി പൊലിസില്‍ പരാതി നല്‍കുകയായിരുന്നു. പ്രതികള്‍ക്കെതിരേ ബലാത്സംഗംഉള്‍പ്പെടെയുള്ള വകുപ്പ് പ്രകാരമാണ് കേസ് രജിസ്റ്റര്‍ ചെയ്തത്.