പാലക്കാട്: പരിസ്ഥിതി ദിനാചരണത്തിന്റെ ഭാഗമായി നെഹ്‌റു യുവ കേന്ദ്രം, കേരള ഫോറസ്റ്റ് പ്രൊട്ടക്ടീവ് സ്റ്റാഫ് അസോസിയേഷന്‍, പാലക്കാട് വന വികസന ഏജന്‍സി എന്നിവയുടെ ആഭിമുഖ്യത്തില്‍ യൂത്ത് ക്ലബ്ബ് പ്രവര്‍ത്തകര്‍ക്കായി പരിസ്ഥിതി പഠനശില്പശാല സംഘടിപ്പിക്കുന്നു. ജൂണ്‍ അഞ്ചിന് രാവിലെ ഒന്‍പത് മണി മുതല്‍ ധോണിയില്‍ നടക്കുന്ന ശില്പശാലയില്‍ വനയാത്ര, പഠന ക്ലാസ്സ്, പരിസ്ഥിതി സംരക്ഷണത്തില്‍ യൂത്ത് ക്ലബ്ബുകളുടെ പങ്ക് എന്ന വിഷയത്തില്‍ ചര്‍ച്ച, തൈ വിതരണം എന്നിവ ഉള്‍പ്പെടും.  പ്രവേശനം സൗജന്യമാണ്. രജിസ്‌ട്രേഷന് മൂന്നാം തിയ്യതിക്കകം പാലക്കാട് നെഹ്‌റു യുവ കേന്ദ്ര ഓഫീസുമായോ, 0491 2505024 എന്ന നമ്പറിലോ ബന്ധപ്പെടണം.