കൊച്ചി: ഹാദിയ വീട്ടില്‍ അനുഭവിച്ച ദുരവസ്ഥ തന്നോട് വിളിച്ചറിയിച്ചത് ഹാദിയയുടെ വീട്ടില്‍ ഡ്യൂട്ടിയിലേര്‍പ്പെട്ട പൊലിസ് ഉദ്യോഗസ്ഥനായിരുന്നുവെന്ന് രാഹുല്‍ ഈശ്വര്‍ വാര്‍ത്താസമ്മേളനത്തില്‍ പറഞ്ഞു. ഹാദിയയുടെ ദൃശ്യങ്ങള്‍ പകര്‍ത്തിയത് ഹാദിയയുടെയും പിതാവിന്റെയും അനുവാദത്തോടെയാണെന്ന് രാഹുല്‍ ഈശ്വര്‍. സുപ്രിംകോടതിയില്‍ ഹാദിയ നല്‍കിയ സത്യവാങ്മൂലത്തില്‍ തനിക്കെതിരേ ഉന്നയിച്ച ആരോപണങ്ങള്‍ അടിസ്ഥാനരഹിതമാണ്. പരാമര്‍ശങ്ങള്‍ കോടതി ഒഴിവാക്കിയതില്‍ സന്തോഷമുണ്ട്.
ഹാദിയയുടെ പിതാവ് ഉന്നയിക്കുന്ന ആരോപണങ്ങള്‍ക്കുപിന്നില്‍ ഹിന്ദുത്വ തീവ്രസ്വരക്കാരാണെങ്കില്‍ മറുപക്ഷത്ത് പോപുലര്‍ ഫ്രണ്ട് അടക്കമുള്ള മുസ്‌ലിം തീവ്രസ്വരക്കാരാണ്. വീട്ടുതടങ്കലില്‍ കഴിയുമ്പോള്‍ പൊലിസ് നീതികാട്ടിയില്ലെന്ന വാദം തെറ്റാണെന്നും അദ്ദേഹം പറഞ്ഞു.