തൊടുപുഴ: തൊടുപുഴ മര്‍ച്ചന്റ്‌സ് അസ്സോസിയേഷന്‍ നടത്തുന്ന തൊടുപുഴ ഷോപ്പിംഗ് ഫെസ്റ്റിവലിന്റെ ആദ്യമാസത്തെ നറുക്കെടുപ്പ് ഗാന്ധി സ്‌ക്വയറില്‍ നഗരസഭ ചെയര്‍പേഴ്‌സണ്‍ സഫിയ ജബ്ബാര്‍ നിര്‍വ്വഹിച്ചു.
മുനിസിപ്പല്‍ വൈസ് ചെയര്‍മാന്‍ സുധാകരന്‍ നായര്‍ ചടങ്ങില്‍ പങ്കെടുത്തു. നറുക്കെടുപ്പിന് അസ്സോസിയേഷന്‍  പ്രസിഡന്റ് ഇ.എ.പി. വേണു, ജന. സെക്രട്ടറി ജോസ് എവര്‍ഷൈന്‍, ട്രഷറര്‍ സുബൈര്‍ ടി. മുഹമ്മദ്, ഔസേപ്പ് ജോണ്‍ പുളിമൂട്ടില്‍, സി.കെ. നവാസ്, സാലി എസ് മുഹമ്മദ്, യൂത്ത് വിംഗ് പ്രസിഡന്റ് സി കെ ഷിഹാബ്  നേതൃത്വം നല്‍കി.
നറുക്കെടുപ്പ് ഫലം: ഒന്നാം സമ്മാനം (ഡിയോ സ്‌കൂട്ടര്‍) കൂപ്പണ്‍ നമ്പര്‍ 0200336. രണ്ടാം സമ്മാനം (റഫ്രിജറേറ്റര്‍) 0320613. മൂന്നാം സമ്മാനം (വാഷിംഗ് മെഷീന്‍) 0138714. നാലാം സമ്മാനം (സൈക്കിള്‍) 0139185. എല്ലാ മാസവും 30 ന് നറുക്കെടുപ്പ് നടക്കും.