തൊടുപുഴ:  നഗരമധ്യത്തില്‍ ബാലികയെ ബൈക്ക് ഇടിച്ചു വീഴ്ത്തിയ ശേഷം  നിര്‍ത്താതെ പോയി.   
തലയ്ക്കും കാലിനും പരുക്കേറ്റ മണക്കാട് ആല്‍പാറതൊട്ടിയില്‍ സന്തോഷിന്റെ മകള്‍ അപര്‍ണയെ (ഏഴ്) ചാഴികാട്ട് ആശുപത്രിയില്‍ പ്രവേശിപ്പിച്ചു. കുട്ടിയുടെ ഇടതുകാല്‍ മുട്ടിന് പൊട്ടലുണ്ട്.  ഇന്നലെ വൈകിട്ട് ഏഴുമണിയോടെ പാലാ റോഡില്‍ മണക്കാട് ജംക്ഷനിലാണ് അപകടം നടന്നത്. മാതാപിതാക്കള്‍ക്കും സഹോദരിമാര്‍ക്കുമൊപ്പം  ഓട്ടോയില്‍ വന്ന അപര്‍ണ, റോഡരികിലൂടെ നടക്കുന്നതിനിടെ പിന്നാലെ വന്ന ബൈക്ക് യാത്രക്കാരന്‍  ഇടിച്ചു വീഴ്ത്തുകയായിരുന്നെന്ന് ദൃക്‌സാക്ഷികള്‍ പറഞ്ഞു.
തുടര്‍ന്ന് ബൈക്ക്  നിര്‍ത്താതെ പോവുകയായിരുന്നു.  ഹെല്‍മറ്റ് ധരിച്ചിരുന്നതിനാല്‍ ബൈക്ക് ഓടിച്ചയാളെ  തിരിച്ചറിയിനായില്ല. ഇരുട്ട് വീണ് തുടങ്ങിയിരുന്നതിനാല്‍ ബൈക്കിന്റെ നമ്പരും മനസിലക്കാനായില്ല.