കുമാരമംഗലം: സര്‍വ്വീസില്‍ നിന്ന് വിരമിച്ച കുമാരമംഗലം ഗ്രാമപഞ്ചായത്ത് കൃഷി ഓഫീസര്‍ സിറിയക്, ഗവ. എല്‍. പി സ്‌കൂള്‍ ഹെഡ്മിസ്ട്രസ് പി.കെ തങ്കമണി എന്നിവര്‍ക്ക് ഗ്രാമപഞ്ചായത്തിന്റെ ആഭിമുഖ്യത്തില്‍ യാത്രയയപ്പ് നല്‍കി. യാത്രയയപ്പ് സമ്മേളനം ഗ്രാമപഞ്ചായത്ത് പ്രസിഡന്റ് നിസാര്‍ പഴേരി ഉദ്ഘാടനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ് ഡെന്നി ഫ്രാന്‍സിസിന്റെ അധ്യക്ഷത വഹിച്ചു.
വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍ സിന്ധുകുമാര്‍, ക്ഷേമ കാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ചിന്നമ്മ സോജന്‍, വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ സിജു ഒ.പി., ബ്ലോക്ക് പഞ്ചായത്ത് മെമ്പര്‍ സിനോജ്, പഞ്ചായത്ത് മെമ്പര്‍മാരായ ജെയിംസ് ചാക്കോ, അഡ്വ. കെ എസ് ബിനു, ബീമ അനസ്, ഉഷ രാജശേഖരന്‍, മഞ്ജു പരമേശ്വരന്‍ എന്നിവര്‍ പ്രസംഗിച്ചു. ഗ്രാമപഞ്ചായത്ത് സെക്രട്ടറി എം സുരേഷ് മുഖ്യപ്രഭാഷണം നടത്തി.
സ്വീകരണത്തിന് കൃഷി ഓഫീസര്‍ സിറിയകും, ഹെഡ്മിസ്ട്രസ് പി. കെ തങ്കമണിയും നന്ദി പറഞ്ഞു.